Héraðsbrestur - Snör handtök - Berjumst til síðast blóðdropa

Aðeins eitt orð er til yfir hina skyndilegu afsögn Páls Magnússonar menningarfrömuðs: Héraðsbrestur.

Öll þjóðin sameinast nú í sorg vegna hvarfs Páls Magnússonar úr Útvarpshúsinu og fjölmargir, sem eiga um sárt að binda vegna þess arna, sitja nú á salernum sínum með bullandi niðurgang sökum taugaálags. Öll menning þjóðarinnar er í uppnámi, helsti menningarviti hennar hrokkinn af stalli. Nú ríður á að Flokkurinn verði snar í snúningum og geri Hannez Holmstone Gizzurarsón að næsta útvarpsstjóra, eða frú Ingveldi, eða Óla Apakött. Um fleiri er ekki að ræða.

En svo undarlega sem þáð hljómar, þá kættist skríllinn á götunni við brotthlaup Páls og talar í véfréttastíl um að nú verði að reka flóttann. Hinn skítugi götuskríll, sem svívirti Gjeir Haaardý og fleiri góða menn í þessu svokallaða Hruni, ætla að heimta að eitthvert kommúnistagerpi verði útvarpsstjóri og hafa í heitingum að beita ofbeldi til að svo verði. En vér hvítliðar munum berjast til síðasta blóðdropa gegn því að svo verði ekki.

Páll hættir sem útvarpsstjóri