Kraftaverkasjakalinn faðmar Erkiauðvaldið eins og kirtlaveikur brúðgumi

Skrifstofusjakalanum, verkalýðsforstjóranum og kraftaverkajaxlinum Gylfa g. Þríhrossi munar ekki um að faðma sjálft Erkiauðvaldið það sér eins og kirtlabilaður brúðgumi brúði sína, svo sem sjá má á háðungarmyndinni sem prýðir þessa grein um að kjarasamningar hafi verið undirritaðir.

Já, Gylfa Þríhrossi er ekki fisjað saman.

Og ekki er kátínan minni hjá litlu þríhrosstryppunum, sem fylgja kraftaverkasjakalanum eftir eins og skugginn, og aðstoða hann við að gera niðurlægingu verkafólks sem mesta. Einhver hefði í einhvern tíma sagt, að sjakalaherinn þríhrossana væri auðvirðilegur drulluselskapur, sem bæri að sprengja í loft upp eins og hverja aðra keytutunnu, en það er auðvitað fjarska ósanngjarnt að segja slíkt og þessháttar um hina fórnfúsu verkalýðsforstjóra, vini auðvaldsins. En allt um það, þá er verkalýðsforstjórunum fjandans sama þótt af þeirra völdum fari gjörvöll verkalýðsstéttin í Jólaköttinn, tvær til þrjár hræður muni mæta á fundi félaganna og samþykkja háðungarsamningana.

Maddaman var þeirra móðir
og gaf þeim framsóknaríhaldsmjólk,
en faðirinn Nasi frá Hriflu,
það var leiðindafólk.

Kjarasamningar undirritaðir

Athugasemdir

[Anna Sigríður Guðmundsdóttir, 22.12.2013 kl. 07:59]

Hverju eru þessir þurfalingar ASÍ að fagna?

Er þetta lið að fagna því, að láglaunaþrælar í verðbólgubrennandi stjórnspillingarkerfi, fái 9.000 króna viðbót í verðbólguhítina?

Á sama tíma og Kjararáð gefur af miklum rausnarskap, 79.000 krónur á mánuði, af almannaskattfé? Forstjóri Íbúðalánasjóðs þarf að uppfylla hæfismat Fjármálaeftirlitsins, hafa lokið háskólaprófi, ásamt því að vera fjárhagslega sjálfstæður.

Fjármáleftirlitið sættir sig ekki við neitt minna en að auðvelt verði fyrir matsfyrirtækja-AGS (Alþjóðabankann), að ræna Íbúðalánasjóð á sama hátt og bankana. Það er tilgangurinn með oflauna-mútunum sem forstjóra Íbúðalánasjóðs, Sigurði Erlingssyni, eru ætlaðar.

Það ætti öllum að vera orðið ljóst, að Fjármálaeftirlitið á Íslandi er nauðsynlegur tengiliður í banka/sjóða-ránsferlinu.

Er það semsagt gleðiefni fyrir ASÍ-Gylfa og glæpa-co, að láglaunaþrælarnir séu fjárhagslega ósjálfstæðir, kúgaðir, húsnæðislausir og rændir ölmusuþegar hjálparstofnana? Ja, þvílíkt gleðiefni, eða þannig?

SS-sveitir ASÍ (Sláturfélag Suðurlands), eru ánægðir með árangurinn?

Hverjir starfa í Kjararáði, og til hvers er það ráð (óráð)?

Þau eru víða, illkynja krabbameinin í stjórnsýslu-spillingunni. Það verður fylgst með af mikilli gagnrýni, öllum "afrekum" SS-sveita-spillingar-stjórnsýslunnar. Þeir geta rænt og kúgað, en þeir geta ekki þaggað niður sannleikann um sín óhæfuverk. Þau óhæfuverk verða rifjuð upp reglulega, svo þessar ASÍ-Kjararáðshetjur SS-sveitanna geti viðhaldið stolti sínu og gleði, yfir "vel unnum" óhæfuverkum.

Ja, þvílíkur djöfulsins kjarkur, hefði nú einhver sagt, sem nú er handan móðunnar miklu.

M.b.kv.