Áfram, áfram Sóley Tomm og farið nú að breyta nafni VG

Um að gera fyrir VG að hafa Sóley Tomm áfram í fyrsta sæti flokksins til borgarstjórnarkosninga í Reykjavík, það flýtir ótvírætt fyrir löngu tímabæru andláti þessa auma flokks blekkinga, svika, búrtíka, undanrennuaðals og ómennsku.

Það er satt að segja kaldhæðnislegt og um leið mjög óheiðarlegt, að flokkur Sóleyjar, Katrínar, Álfheiðar, Sendiherrafeðginanna og Steingríms skuli enn kalla sig ,,Vinstrihreyfinguna grænt framboð" þar sem þetta fyrirbrigði er vel hægrisinnað og flokksfólkið kann best við sig við hið kapítalíska rúllettuborð. Það er því ekki til mikils ætlast til af eigendum VG að þeir vinsamlegast breyti nafni flokksins til samræmis við innihald hans, til dæmis í Efrimilllistéttarfémínístahreyfingin kapítalískt framboð (EMFk/f). Það er fyrir löngu orðið óásættanlegt að þetta ormsmogna lið sé enn þann dag í dag að klæmast á hugtakinu vinstri í pólitík og eigni sér það eins og hvern annan spilapening og noti kinnroðalaust við rúllettuboð kapítalismans.

Sóley vill leiða lista VG í Reykjavík

Athugasemdir

[Ingibjörg Friðriksdóttir, 17.1.2014 kl. 14:40]

Þú rokkar feitt kæri vinur. „ Efrimilllistéttarfémínístahreyfingin kapítalískt framboð (EMFk/f)“ Eigum við að flytja PUTIN inn til okkar kannski?

[Jóhannes Ragnarsson, 17.1.2014 kl. 16:02]

Æ, Pútín karlinn er nú svona og svona. En hann væri eflaust fljótur að troða blautum tuskum uppí kjaftinn á þessum íslensku pólitíkusum.