Ójá, Brynjar Vondalykt brá sér á vertshús við Hafnarstræti í gærkvöldi

Sumum einstaklingum er gefin sú náðargáfa að kunna að skemmta sér mun betur en aðrir samborgarar þeirra. Glæsilegt dæmi um mann sem haldinn er slíkri náðargáfu er sá skemmtilegi maður Brynjar Vondalykt.

Um árabil hefur Brynjar Vondalykt verið fastagestur í umtöluðum samkvæmum hjá frú Ingveldi, Kolbeini Kolbeinssyni, Máríu Borgargagni og Indriða Handreði. Þar hefur Vondalyktin verið, sem maður segir, á heimavelli og þar hefur hann unnið mörg gifturík afrek sem færð hafa verið í annála.

Síðastliðinn föstudag hófst gott samkvæmi að heimili frú Ingveldar og Kolbeins, sem stendur enn þegar þetta er skrifað. Að vanda mætti þar margt góðra gesta á borð við Óla Apakött, Haffa Frænku, Viggu Sleggju, Borgargagnið og Handreðinn, að ógleymdum Brynjari Vondulykt, sem hefur bókstaflega farið á kostum þessa helgi. Ekki er nóg með að Brynjar hafi farið offari í þambi á sterkum drykkjum í samkvæminu heldur át hann allt sem tönn á festi í eldhúsi og búri frú Ingveldar og hélt að svo búnu út á lífið í miðborg Reykjavíkur og settist þar að í vertshúsi einu. Og það var einmitt í þessu versthúsi sem Brynjar Vondalykt gekk örna sinna í einu horni veitingasalarins. Þegar hann hafði lokið sér af skeindi hann sig vandlega með brókum sínum og lagði þær síðan samanbrotnar við hliðina á valkestinum.

Þegar Brynjar Vondalykt hafði athafnað sig þar á versthúsinu hvarf hann á braut og gekk vígreifur og nakinn neðan mittis austur Hafnarstræti. Þannig til fara mætti hann á nýjan leik í samkvæmi frú Ingveldar og Kolbeins og var vel fagnað af þeim er þar vóru fyrir.

Ef lögregluyfirvöldum í Reykjavík er alvara með að hafa uppá og handtaka manninn sem óhreinkaði hornið í veitingasal vertshússins í Hafnarstræti, er þeim vinsamlegast bent á að fara beinustu leið heim til frú Ingveldar og Kolbeins, en þar munu þau finna Brynjar Vondulykt, Máríu Borgargagn og Haffa Frænku í innilegum faðmlögum á gólfinu í miðstöðvarkompunni.

Berrassaður maður í Hafnarstræti

Athugasemdir

[Anna Sigríður Guðmundsdóttir, 19.1.2014 kl. 21:23]

Það er ekki gæfulegt né uppbyggjandi, að fylgjast með strætis-fórnarlömbum heimsveldis-sölumanna dauðans. Á öllum stigum pólitíska heimsveldis-píramídans.

Er ekki rétt að fylgjast betur með varnarlausum lág/millistéttar-fórnarlömbum þessara alþjóða-hvítaflibba-glæpona, bæði hér á eyjunni og víðar?

Til dæmis á fórnarlambaveiðunum hér á verslunarmannahelgar-spes-eyjahátíðinni?

Það eru víða hvítflibbaútgerðar-felli-brelli-brögð, í boði siðblindra pólitískra kúgara alþjóðabanka. Eða hvað? Hvernig fara vöruskipti undirheima fram?

Þeir kusklausu alþjóðabanka-hvítflibbar kunna víst manna/sálna-kúgana-veiðar.

Eða hvað veldur annars lekanum á Mollý-moðinu, og fleiri neytendaverndarlausum ólöglegum vörusvikum, inn fyrir landamærin?

Það er ekki til of mikils ætlast, að fá skýringu á svo mikilvægri spurningu?

Landamæri Íslands eru skýrt afmörkuð, með sjó. Það er eitthvað annað en landamæri landsins, sem er ó-skýrt.

Eða hvað segja raunverulegir valdhafar Íslands, (banka/lífeyrisjóðs-stjórnir)?

M.b.kv.