Rotaði tvo heiðursmenn með því að slá þeim saman

Hræðilega er alltaf sorglegt og svekkjandi þegar heilsubótarfrömuðir fara í hár saman og ásaka hverja aðra um lygar, okur, stottulækningar, fals og annað ámóta kræsilegt. Þegar slíkt brestur á er eins og hymmnarnir hrynji og eldstólpar fari um sálarlendur samfélagsins.

Munum við ekki enn eftir stólpíparanum góða sem mátta sæta kárínum og ofsóknum frá læknum fyrir það eitt að dæla úr haughúsum átvagla sem lifðu merstan part á mayonesi, hamborgurum og pizzum? Og hvernig var ekki farið með Friðrik huldulækni úr öðrum heimi hér fyrr á tíð? Honum var vitanlega sagt að fara til fjandans af gáfumönnum þeirra daga.

Frú Ingveldur hefur löngum verið mikill aðdáandi World Class, Sollu á grænum kosti og Jónínu Ben. Enda er frú Ingveldur einhver heilbrigðasta og hraustasta kona sem um getur á Íslandi frá því að landnámsöld var. Stælt til sálar og líkama hefur hún boðið hvaða slordóna og sótrafti birginn í hörðum bardaga og haft sigur. Síðastliðið þriðjudagskvöld greip hún Brynjar Vondulykt og Indriða Handreð með sitthvorri hendi og sló þeim saman svo þeir lágu eftir óvígir í öngviti. Hún hélt nefnilega, að umræddir heiðursmenn, ætluðu að gera bragð úr ellefta boðorðinu og nauðga sér. Þetta afrek þakkar frú Ingveldur heilsubótariðkunum sínum hjá Woeld Class, Sollu á grænum og Jónínu Ben.

Segja Björn fara með rangt mál

Athugasemdir

[Sverrir Einarsson, 12.4.2014 kl. 23:41]

Það er engum viðbjargandi sem verslar við Bjössa og Dísu í WC. Hvað Haugsugu fyrirbærið varðar sá hún að sér og er á tröppum himnarikis í dag alsæl með Gunna sinn. Hef ekkert heyrt af Friðrik kukklara síðan að upp komst að hann reyndi að sækja um bréfaskólanámskeið í dáleiðslu en fékk ekki inngöngu sakir þess að skólinn blessaður bauð víst ekki uppá slíkt "fjarnám" á þeim tíma, þó marg nefndur Friðrik byggi yfir þeim hæfileika að geta flutt "skilaboð að handan" við öll möguleg og ómöguleg tækifæri -gegn sanngjarnri þókknun- auðvitað og til að sannfæra fólk þá dáleiddi hann það til ýmissa "verka" eins og að langa ekki reyktóbak næsta háfltímann eftir að viðkomandi fór út úr hans húsakynnum....

Hvað varðar frú Ingveldi og viðskipti hennar við Brynjar Vondulykt og Hr. Handreð skal ég sem minnst segja um enda þekki ég mjög,mjög illa til þíns heima fólks... 

Sæll að sinni.