,,Róttæklingarnir" Sóley og freðýsurnar í Undanrennulandi

Blábjánarnir sem eftir eru í VG eiga auðvelt með að taka sér í mun orð eins ,,rótækur" og ,,ábyrgur" þegar þeir komast í stuð til að gorta af afrekum sínum og væntanlegum afrekum. Þessir vesölu undanrennuungar vita að sjálfsögðu ekki par hvað róttækni er og ábyrgð þeirra er vöðuð auðvirðilegum svikum og yfirstéttardekri, ógeðfelldu snobbi og pólitískri skítalykt á heimsmælikvarða.

Og nú veður Sóley Tomm fram á foraðið ásamt nokkrum freðýsum sem tákna framboðslista VG og með slepjulegri velþóknun Flokkseigendafélagsins og boðar einhvert undanrennugums, sem hún og hennar slekti kallar ,,róttækar" og ,,ábyrgar" tillögur fyrir borgarstjórnarkosningar í vor. En svo einkennilegt sem það er, þá liggur hreinlega ekkert eftir frú Tomm á kjörtímabilinu sem nú er að ljúka, hvorki róttækt né óróttækt. Það er því satt að segja aumkunarvert, en þó umfram allt hægilegt, þegar þessi lukkuriddari kemur skeiðandi með freðýsurnar sínar og boðar róttækni.

Vinstrihreyfingin grænt framboð er ekki vinstrisinnuð samtök eins og nafnið gefur til kynna, heldur tækifærissinnuð hægriklíka. Þessi óféti hafa hin síðustu ár lagt nótt við dag í að koma óorði á alla raunverulega vinstrimennsku, sósíalisma, og hefur því miður orðið vel ágengt í þeim efnum.

Vinstri græn munu hugsa um börnin

Athugasemdir

[Jón Valur Jensson, 23.4.2014 kl. 21:00]

Sóley Tómasdóttir kallar það líklega að "auka ábyrgð" að fella niður öll leikskólagjöld, þannig að a.m.k. 130-140.000 króna kostnaður vegna hvers leikskólabarns verði bara borgaður af öðrum borgarbúum, 15-20% kostnaðarhlutdeild foreldranna leggi á þau allt of miklar byrðar.

Eftir þessu munu kosningaloforð vinstri flokkanna -- bara lofað endalaust upp í ermina. Og þótt þeir hafi verið gerðir afturreka með gjaldskrárhækkanir á þessu ári nýbyrjuðu, ætla þeir sér aldeilis að koma í bakið á borgarbúum í haust, sbr. greinina Ábyrg fjármálastjórn í Reykjavík – allra hagur, í Mbl. í dag, eftir Kristin Karl Brynjarsson, en þar segir m.a.:

"Samkvæmt fjárhagsáætlun Reykjavíkurborgar fyrir árið 2014 stóð til í fyrstu að stórhækka gjaldskrár borgarinnar til þess að standa undir sífellt hækkandi rekstrarkostnaði borgarinnar. Eftir nokkurn þrýsting, m.a. frá aðilum vinnumarkaðsins voru þó þessar hækkanir dregnar til baka. Þó ekki með meira afgerandi hætti en að: „Ef forsendur bregðast hins vegar áskilur Reykjavíkurborg sér rétt til að taka gjaldskrár til endurskoðunar á síðari hluta árs 2014.“

Með öðrum orðum, ef sami meirihluti stjórnar enn borginni að loknum kosningum í vor, þá hækkar bara gjaldskráin eftir kosningar. Af fenginni reynslu má þá búast við enn meiri hækkunum þá en áætlað var. Enda ekki beinlínis hægt að halda því fram að kosningaloforðalisti Samfylkingar sé sérlega ódýr."

[Filippus Jóhannsson, 24.4.2014 kl. 09:05]

Þetta heimskuhjal Sóleyjar og annara Vinstri Grænna um gjaldfrjálsann leikskóla ofl er eing0ngu sett fram þar sem þau vita að að þau verða aldrei á aðstöðu til að standa við þessi loforð.