Harðsvírað og mannskætt illfygli

Krían er harðsvíraðasta og mannskæðasta illfygli sem sögur fara af. Ekki lætur þessi endemis vargur sér nokkurst tækifæri úr greipum ganga við að reyna að myrða fólk, börn jafnt sem fullorðna. Við höfum heyrt hræðilegar sögur af því hvernig kríur hafa ráðist á fótgangandi vegfarendur og höggvið goggum sínum gegnum höfuð þeirra inní miðjan heila. Þið munið vafalaust eftir því þegar margar kríuherdeildir lögðu til atlögu við hóp barna og hjuggu þau soleiðis í spað að þau vóru óþekkjanleg á eftir og máttu liggja öll sem eitt á sjúkrahúsi í marga mánuði.

Það er því hreint með ólíkindum, að til skuli vera fólk sem fagnar komu þessa mannhatursfulla vágests.

Krían kom á sumardaginn fyrsta

Athugasemdir

[Eyjólfur Jónsson, 25.4.2014 kl. 20:52]

Jóhannes minn þetta er ekki Kría sem er afmynduð heldur hvítur Hrafn, sjaldséður eins og fólk frá Ólafsvík og nágrenni sem ekki eru eins miklir vágestir og Hrafninn.