Þá brutust út ógurleg fagnaðarlæti

Þegar dómur hafði verið kveðinn upp í máli Gunnsa Andersen og hann dæmdur í árs fangelsi brutust út ógurleg fagnaðarlæti á heimili frú Ingveldar og Kolbeins Kolbeinssonar, tappar teknir úr mörgum flöskum og dans stíginn. Gaðastur allra var samt Óli Apaköttur, sem gerði sér lítið fyrir og brá annarri loppunni uppundir frú Ingveldi og Kolbeinn Kolbeinsson hló að tiltækinu og potaði löngutöng í rassinn á Apakettinum, sem tókst á loft og hneggjaði eins og graðhestur.

Þegar þetta er skrifað, er gleðskapurinn orðin svo háttstemdur að viðbúið er gólfið á heimili heiðurshjónanna sökkvi í jörð niður með manni og mús, eins og gerðist hér um árið þegar söfnuðurinn í Hrunaprestakalli tók sig til og efndi til dansleiks í í kirkjunni að Hruna. Að sögn vitna, eru allir orðnir berrassaðir og mjög valtir á fótunum, ekki síst Máría Borgargan sem farið hefur á kostum í dag. Og bráðlega verður lögreglan kölluð á vettvang, því nágrannar frú Ingveldar og Kolbeins eru skelfingu lostnir vegna orrustugnýsins sem fylgir veisluhaldinu.

Gunnar Andersen dæmdur í fangelsi

Athugasemdir

[Anna Sigríður Guðmundsdóttir, 8.5.2014 kl. 18:36]

Gunnar Andersen verður frjálsari í fangelsinu, heldur en sá sem situr utan fangelsis, og með það á ferilsskránni, að hafa sloppið við að mæta í yfirheyrslur um málið!

Ekki veit ég hvers vegna þetta er svona í pottinn búið, en ég veit fyrir víst, að Ísland er siðlaust og dómsstóla-lögbrenglað ríki.

,,Hvers vegna á ég að fara út úr fangelsinu, ef ég fæ ekki meiri mannréttindi utan fangelsis en inni í því"?

Þetta sagði Nelson Mandela!

M.b.kv.

[Níels A. Ársælsson., 8.5.2014 kl. 18:47]

Glaðastur allra var samt Óli Apaköttur, sem gerði sér lítið fyrir og brá annarri loppunni uppundir frú Ingveldi og Kolbeinn Kolbeinsson hló að tiltækinu og potaði löngutöng í rassinn á Apakettinum, sem tókst á loft og hneggjaði eins og graðhestur.

Ha ha ha þetta er óborganlega fyndið - jafnast á við eitt og annað úr Íslandsklukkunni ...