Orð í tíma töluð um tómhyggju Framtíðarinnar hans Gvendar Steingríms

Já, það virðast nokkuð margir falla fyrir tómhyggju, tilgangsleysi og hugsjónaþurrð Björtu framtíðarinnar hans Gvendar Steingrímssonar Hermannsonar Jónassonar og hennar Heiðu Helgapésdóttur. Bæði eru þau framsóknarmaríneruð, ekki síst hann Gvendur greyið, en hann beinn afkomandi sjálfrar Framsóknarmaddömunnar; eftir því sem ég best veit er sú gamla langamma Gvendar, ættmóðir hans og hans Halldórs og hans Finns og hans Ólafs stórbónda og útgerðarmanns að Miðhrauni I.

Svo sem algengt er með tómhyggjuflokka nútímans, þá hefir fólk ekki minnstu hugmynd um fyrir hvað þeir standa eða hvort þeir hafa einhverja sérstaka staðsetningu eða hugsjón. Sumir eru svo vegvilltir og vánkaðir um hagi Björtu framtíðarinnar hans Gvendar, að þeir halda að fyrirbærið sé vinstriflokkur, jafnvel róttækur sem slíkur. Hvernig slík firra hefur komist inní höfuðið á fólki er með öllu óskiljanlegt, enda ætla ég ekki einu sinni að gera tilraunendur ekki  til að skilja þá reginheimsku eða hvernig hún er tilkomin.

Björt framtíð er vel til hægri, dæmigerður hægriflokkur tilgangslausra lukkuriddara, sem haldið er úti fyrir eigendur sína. Það stendur ekki til til hjá Gvöndi Steingríms og Heiðu Pé að breyta einu eða neinu sem máli skiftir í íslensku samfélagi og varðandi pólitísk grundvallaratriði er Framtíðin hans Gvendar jafn mikið dólgaíhald og höfuðpaurar sjálfs Erkiíhaldsins í Sjálfstæðisflokknum.

BF býður fram á níu stöðum

Athugasemdir

[Tryggvi Helgason, 11.5.2014 kl. 20:27]

Mér finnst þetta ekki alveg rétt hjá þér, Jóhannes, ég sé ekkert sem bendir til "hægri" hjá þessum BF, - öllu fremur langt til vinstri, - sem sé Marxistaflokkur í ætt við fjórflokkinn.

Eða sérðu eitthvað sameiginlegt með stefnu BF og stefnuskrá Fullveldisflokksins, sem er hægri flokkur, ... að mínu mati.

[Jón Valur Jensson, 11.5.2014 kl. 20:59]

Flokkur sem er ekki neitt -- nema ESB-þókknunin, er það flokkur?

Eina þingmál hans, sem menn vita af, er að færa klukkuna um eina klukkustund.

Gvendur narraði til sín atkvæði framsóknarmanna, bjó sér svo til "þingflokk".

Með honum er Vestmannaeyingur, sem er svo sem alls góðs maklegur, en stendur að baki eyjarskeggjum þar á 19. öld, sem vissu að þeir þurftu að verja sig og lögðu á sig erfiði og æfingar til þess, en ekki hann R.M. sem boðaði "ævarandi hlutleysi" Íslands og hélt því ranglega fram opinberlega, að það hefði staðið í 88 ár, þegar það hafði aðeins staðið yfir í 24 ár. Ennfremur var hann einn þeirra sem vildu samþykkja Icesave-svikasamninginn, en var þá þegar búinn að greiða atkvæði með innlimun Íslands í erlent stórveldi.

Eiga menn svo að hrópa húrra fyrir þessum flokki þeirra?!