Nú er stóra tækifærið fyrir Eið Smára

Ég hjó eftir í viðtalinu við Eið Smára að samningur hans í Belgíu er að renna út og hann ekki tilbúinn að leggja skóna á hilluna. Nú tel ég að stóra tækifærið í boltanum sé að renna upp. Ég er ekki í nokkrum vafa um að hann getur gert hagstæðan samning við Víking Ólafsvík um að leika með félaginu í sumar og næsta sumar og sumarið þar á eftir. Ekki er að efa, ef Eiði ber gæfa til að semja við Víking, þá mun það verða kórónan á hans glæsta ferli. Í Víkingi mun hann og hitta fyrir auk samlanda sinna knáa kappa frá Spáni, Bosníu og Póllandi, en Eiður ku vanur að spila með útlendingum svo hann á sannarlega heima á Ólafsvíkurvelli.

Er ofdekraður heima fyrir

Athugasemdir

[Jóhann Elíasson, 11.6.2014 kl. 22:48]

Ég er ekki alveg viss um að Víkingur í Ólafsvík hafi fjárhagslegt bolmagn til þess.  Þótt vissulega væri það upphefð fyrir Eið Smára að FÁ að spila fyrir félagið...............