Stríðsyfirlýsing

Sjáum nú til, er ekki nema litli stúfur með gullundirhökuna farinn að skrifa bréf og senda á aðra bæi. Það er naumast völlur á pilti, og ég sem hélt hann væri ekki svona fram úr hófi kotroskinn og höfðingjadjarfur. En hann leynir á sér pilturinn og nú má þrælahundurinn Netanjahú (Neta Yahoo) fara að gæta að sér. Það hefir eflaust orðið gríðarlegt uppnám og ringuleið í forsætisráðuneytinu í Ísrael þegar Netanjahú opnaði bréfið frá litla herra Gunnlaugsson frá Íslandi og las innihald þess fyrir viðstadda. Það er heldur ekkert gamanmál að fá svona hroðalega og grjótharða stríðsyfirlýsngu frá æðsta talsmanni sjálfrar Framsóknarmaddömunnar; ég efa ekki að Netanjahú og hans karlar líta þetta bréf sem endanlegan dauðadóm yfir sér því þeir sjá fyrir sér að Framsóknarmaddaman fylgi erindi sínu eftir með ægilegri kjarnorkuskothríð á Ísrael svo ekki standi þar steinn yfir steini næstu árþúsundin.

Krefst tafarlauss vopnahlés