Samráð, vonbrigði og verkur í pung, sem ef til vill er ekki staðar

Það var svo sem auðvitað, að lögreglan í Reyjavík og velferðarsvið Reykjavíkur hefðu lengi haft með sér samstarf og samráð í að stunda heimilisofbeldi á höfuðborgarsvæðinu. Fólki hefir lengi grunað, að ekki væri allt með felldu varðandi leynipukur þessara aðila, en nú er það sem sé komið á hreint, að þetta voðalega fólk hefir ekki aðeins starfað saman við að vinna spjöll á heimilum, heldur hafa þau í hyggju að bæta í terrorismann með nokkrum vel völdum útfærslum, sem eru til þess fallnar að heimilin muni bókstaflega skíta í sig af skelfingu.

Annars er það mál manna, að þeir hafi orðið fyrir miklum vonbrigðum með Steffie Ericson lögregluvarðstjóra. Það var margra von, að Steffie tæki við að berjast við samviskulausar glæpajurtir í Árnessýslu af stjörnusýlumanninum Stones, en eins og flestir vita hefir um árabil geysað skálmöld í því héraði sem ekki sér fyrir endann á. Til að bæta kolsvörtu ofaná svart, þá hefir innanríkisráðherra kunngert, að hún muni innan skamms setja stjörnusýslumanninn Stones af og setja einhverja vinkonu sína í hans embætti. Þá mun fyrst keyra almennilega um þverbak á Suðurlandi og óöldin þar verða slík, að fara verði til Gaza í Palestínu til að finna eitthvað sambærilegt.

Frú Ingveldur er ein þeirra sem hafa hafi uppi kenningar um markvisst heimilisofbeldi lögreglunnar og velferðarsvið Reykjavíurborgar. Hún segir ekki einleikið hvað þetta fólk hafi ruðst oft inná heimili hennar, spillt þar friði og komið öllu í bál og brand. Meðal annars skýrir hún svo frá, að eitt sinn hafi rúmlega tveggja metra langur þjór í lögreglubúningi, útbelgdur af sterum og mannvonsku, ásamt tveimur blóðgrimmum kvenvörgum frá velferðarsviðinu brotið sér leið inná heimili hennar og flogið öll sem eitt á þá er þar vóru fyrir. - Stóri gölturinn í lögreglufötunum byrjaði á því að slá Brynjar okkar Vondulykt í rot og kvenvargarnir rifu fötin utanaf honum Kolbeini mínum og ætluðu sér auðsjánlega að misnota hann. En þá greip ég til minna ráða, en ég hafði setið á klósettinu með hann Óla Apakött á hnjánum fyrir framan mig þegar svínin brutust inn, og hennti þeim í loftköstum út á götu. Frú Ingveldur kvaðst gera ráð fyrir að helvítis bölvaður sterasteradrjólinn veri enn með góðarauga eftir móðurleg atlot hennar og verk í pungnum, ef þetta skrímsli hefir þá einhvern pung.

Stefán: Heimilisofbeldismál í forgang