Svo máttu fara fjandans til bara allt þegar búið er

Það skal aungvann undra þótt Orlandói Blúmm ræki óþokkanum Jústín Bíbir einn grábröndóttan á ranann. En Bibir þessi er sem kunnugt er gjörspilltur þrjótur og skepna af fyrstu gráðu. Framkoma hans við kvenfólk er þess eðlis að hreinlátum sálum kemur fyrst af öllu í hug gyðingaofsóknir nasista þriðja ríkisins þegar þeir heyra af vanvirðingu hans og ofstopa í garð kvenna. Í einum af eftirlætissöngvum Bíbirs segir meðal annars: ,,Svo máttu fara fjandans til bara allt þegar búið er" og þarf vart vitnana við, miðað við munnsöfnuðinn, hverskonar hug þessi illræmdi flagari ber til hins veika kyns.

Því ber að fagna kjaftshögginu sem hr. Blúmm rétti fólinu Bíbir beint á asskotans trýnið. Mættu sem flestir fara að dæmi Blúmms, einkum konur, sem ekki ættu að draga úr höggþunganum þegar þær komast í tæri við hann.

Þess ber þó að geta, að í vetur lenti Bíbir á fjallmyndarlegu ruddakvendi sem tók hann aungum vettlingatökum, heldur barði hann eins og hund, lagðist ofaná hann og hnoðaði hann svo hrottalega að hann gerði í rúmið og brennivínsgusurnar gengu uppúr honum eins og boðaföll.

Þolir ekki Justin Bieber