Ef Hanna Birna fellur í orrustunni munu illmenni hrifsa til sín völdin

Æsast nú leikar og má búast við tilheyrandi mannfalli í kjölfar þeirra óskapa sem umboðsmaður Alþingis hefir gert sig dauðasekan af. Má segja að þriðja bréf þessa óforskammaða umboðsmanns til heiðviðs og hæstvirts innanríkisráðherra hafi komið eins og úldin hlandsprengja inná ríkisstjórnarfund í mogun og olli því að blessaðir ráðherrarnir stukku allir sem einn undir borð, nema Sígmúndur Dávíð, sem var sofnaður og farinn að hrjóta þegar sprengjan sprakk og hélt áfram að sofa eftir sprenginguna, án þess svo mikið að rifa annað augað.

En það varð þó úr, eftir hefðbundinn vandræðagang við að vekja Sígmúnd Dávíð, að Sígmúndi Dávíð voru afhent öll ráð þau er heyra undir dóms- og kirkjumál. Mun Kolbeinn Kolbeinsson skrifstofustjóri og skuggabaldur og framsóknarmaður sinna dómsmálum og kirkjuveseni í hjáverkum bak við tjöldin fyrir hönd forsætisráðherra.

Af Hönnu Birnu er það að segja, að mjög er nú að henni sótt og tvísýnt um leikslok. Er mál manna, að ef Hanna Birna fellur í nýgeysandi Brávallarbardaga, muni umboðsmaður Alþingis, ríkissaksóknari og blaðamenn á DV hrifsa völdin og setjast í alla ráðherrastólana en núverandi ráðherrar sendir á vergang. Má með sanni segja, að föðurland vort sé nú sorta sveipað og allra verstu veðra von.

Sigmundur fer með dómsmál

Athugasemdir

[Jón Ingi Cæsarsson, 26.8.2014 kl. 16:20]

Mikil er dramatík höfundar, þetta er nú einfaldara en reynt er að gera það hér. 

Reynt er að gera boðbera vondra tíðinda að sökudólgum en gjörningurin er ráðherrans eins.

[Jón Daníelsson, 26.8.2014 kl. 16:56]

Ljómandi húmor - takk :)

[Ásthildur Cesil Þórðardóttir, 26.8.2014 kl. 18:44]

Var ekki einn ágætur maður sem sagði að ríkisstjórn, reyndar fyrrverandi gæti ekki verið verri þó valið hefði verið úr símaskránni? það gæti sem sagt ekki versnað?

[Aztec, 26.8.2014 kl. 19:56]

Ásthildur, jafnvel úldnar borðtuskur á ráðherrastólunum hefðu verið betri en vinstristjórn Jóhönnu og Steingríms.

[Ásthildur Cesil Þórðardóttir, 26.8.2014 kl. 20:34]

Já, en því miður er þessi stjórn að verða ennþá verri.