Stundum verður að gera meira og fleira en gott þykir

Það var viðbúið að starfsmannahópur DV myndi þynnast við djöflaganginn í fjárglæframönnunum og öfgapóltíkusunum undanfarið kringum blaðið. Fjárglæframenn og öfgafullir frjálshyggjuspjátrungar vilja bara góða umfjöllun um sig í fjölmiðlum þar sem hlutur þeirra er umvafinn glimmer og glæsileik. Því miður barst DV, undir stjórn Reynis Trausta, inná vafasama braut uppljóstrana um nafntogaða athafna- og peningamenn og baktjaldamakk og ruddaskap virðulega stjórnmálasnata. Og því fór sem fór.

Ef heldur sem horfir mun strfsmannahópur DV þynnast enn meir, uns starfsmannaþurrð blaðsir við stjórn útgáfufélagsins. Það verður þrifalegur andskoti, ef leiknum lýkur með því að Sigurður lögmenni G., frú Skaftason og Hanna Birna verða að eyða hluta af sínum dýrmæta og merkilega tíma í að skrifa uppbyggjandi fréttir í DV, ásamt auðvitað nýfenginni búrtík þeirra, ritstjóranum, sem þau réðu til starfa í gær af einstakri óeigingirni sinni, mannkærleika og ást á frjálsri fjölmiðlun. Guð gefi að þetta elskulega fólk þurfi ekki að fara standa sjálft í rannsóknarblaðamennsku og fréttaskrifum. En það verður víst stundum að gera meira og fleira en gott þykir þegar frelsið, lýðræðið og orðspor aðalsins er í veði. 

Fleiri starfsmenn DV hætta

Athugasemdir

[Axel Jóhann Hallgrímsson, 8.9.2014 kl. 20:54]

Siggi löglegi ætti ekki að pissa í skóinn sinn, því lögmannapiss á það til að kólna rétt eins og annað piss.

[Jörundur Þórðarson, 8.9.2014 kl. 20:58]

Mitt mat er að blaðamenn DV þrífist best á að ala á öfund og sundurþykkju. Fréttir og frásagnir af ríkisstjórn yfirleitt skrumskældar og teknar úr samhengi. Þurfum við fólk til að mata okkur á lygi og ósannindum? Þessir blaðamenn hafa ekki sagt frá hroðalegum mistökum síðustu ríkisstjórnar sem kosta okkur hundruð milljarða. Sjálfsagt eru margir ósammála mér í þessu. En þetta er mín skoðun.

[Jóhannes Ragnarsson, 8.9.2014 kl. 21:04]

Segðu mér eitt Jörundur: Hafa Morgunblaðið, RÚV, Stöð 2, eða aðrir fjölmiðlar greint okkur frá þessum meintu hroðalegu mistökum síðustu ríkisstjórnar?

Og annað: Hver eru þessi hroðalegu mistök, sem þú kallar svo?