Hún gat setið og hún situr enn

Ekki er á jakkafataskarfinn Árna Pál logið, að ekki mun hann reiða vitið í þverpokum fremur en aðrar sálir sem orðið hafa krataeðlinu að bráð. Raunar er því haldið fram af fróðum mönnum og gáfuðum, að krataeðli sé í sjálfu sér ekki réttnefni á fyrirbærinu, krataóeðli væri nær sanni og meira lýsandi fyrir sjúkdóminn.

En þó Árni Páll sé vitlaus, eins og alþjóð veit, þá vóru fáir sem bjuggust við því að hann væri svo vitlaus að halda því fram að frú Hanna Birna hafi ekki getað setið áfram sem ráðherra eftir að upp komst um strákinn Leka-Tuma. Staðreyndin er óhrekjanlega á þá leið, að Hanna Birna sat áfram og situr enn. Í ljósi þeirrar staðreyndar er staðhæfing Árna Páls svo hlægilega heimskuleg, að jafnvel heimskasta sauðnaut uppá Grænlandsjökli eða Gvendur í Björtu framtíðinni myndu sammast sín ósegjanlega fyrir á láta sér detta þvílíka vitleysu í hug.

En blessunin hún frú Hanna Birna gat setið áfram og hún sat áfram og situr enn. Og hún mun sitja áfram þó svo að ráðherrastóllinn muni brenna til ösku undir botninum á henni. Sem betur fer mun margur segja.

„Ráðherrann gat ekki setið áfram"

Athugasemdir

[Aztec, 15.9.2014 kl. 19:29]

Árni Páll kallar lekann alvarlegt mál og ég er sammála honum. Það er alvarlegt mál þegar stjórnarandstaðan lætur stela trúnaðargögnum og lætur síðan falsa þau með aðstoð sorppressunnar.

Alltaf þegar Árni Páll stígur í ræðustól, þá slekk ég á hljóðinu, því að allt sem hann segir er svo fyrirsjáanlegt. Alveg eins og forðum þegar ekkert annað komst að hjá Jóhönnu og Össuri en ESB, þá hefur ekkert annað komizt að hjá Árna Páli næstu árin en þessi stormur í tebollanum.

Ekki hefur enn verið sannað að Hanna Birna hafi gert neitt rangt og heldur ekki hefur verið afsannað að Stefán hafi verið að ljúga.

Satt að segja myndi ég frekar treysta Hönnu Birnu til að leiða Sjálfstæðisflokkinn en helvítinu honum Bjarna Ben.

[Jóhannes Ragnarsson, 15.9.2014 kl. 20:02]

Þú segir það, Aztec. Ég hef bara enga trú á að stjórnarandstaðan hafi látið stela trúnaðargögnum og látið falsa þau.

Ég eins fjarri því sem hugsast getur að vera stuðningsmaður Sjálfstæðisflokksins og þar af leiðandi nokk sama um hver þar er formaður. Hinsvegar get ég ekki neitað því, að ég hef á tilfinningunni að karakter Hönnu Birnu sé þeirrar gerðar sem ekki ætti að koma nálægt stjórnmálum eða stjórnunarstörfum yfirleitt. Ég hef fylgst með henni í fjölmiðlum síðan hún starfaði á skrifstofunni hjá Kjartani Gunnarssyni í Valhöll og er alltaf jafn undrandi á að henni hafi verið veitt brautargengi til mannvirðinga í pólitík.

[Tryggvi Helgason, 15.9.2014 kl. 20:20]

Það lekur stanslaust af þessu lekandaliði og rennur bunan, eins og hraunstraumur í Holuhrauni, í stríðum straumi með tilheyrandi ólykt og eiturgasi, og auðvitað allt til vinstri, - (að hætti kommúnista), - en með það að markmiði að eyðileggja íslendskt þjóðfélag, og er það gert með því að sá úlfúð og sundurlyndi meðal hins almenna kjósanda.

Hér í eld-eld-eldgamla daga, þá var hafður sérsmíðaður "hlutur" við hvert rúm á bæjunum. Manni dettur í hug hvort einhverju slíku hafi verið komið fyrir (með leynd og algjörum trúnaði) við sæti sumra þingmanna, - þessara sem eru lengst til vinstri ???

[Jóhannes Ragnarsson, 15.9.2014 kl. 21:15]

Það vill nú svo til, að það komu engir vinstrimenn að því að eyðileggja íslenskt þjóðfélag - frjálshyggjutilraunin mikla, sem hófst 1991, sá vandlega um þá hlið mála.

[Aztec, 15.9.2014 kl. 23:48]

Og ekki styð ég Sjálfstæðisflokkinn og hef aldrei kosið þá.

[Tryggvi Helgason, 16.9.2014 kl. 01:01]

Þú misskilur þetta Jóhannes minn, - það er kommúnisminn, "alþjóða kommúnisminn" sem þarna er á bak við. Menn þurfa að vakna upp og sjá hlutina í réttu samhengi.