Las ölæðisþrugl eftir Kolbein Kolbeinsson upp af blaði

Ekki vantaði, að Sigmundi Davíð tækist að flytja ræðuna, sem Kolbeinn Kolbeinsson skrifstofustjóri samdi útúrfullur fyrir hann, með einstökum glæsileika; hann smjattaði til áhersluauka á réttum stöðum; lyngdi glyrnunum sællega eins og geltur fressköttur þegar hann romsaði helstu lygaflækjum Kolbeins uppúr sér; lét marra í nasavængjunum þegar hann vildi gefa hjörðinni í Fjósinu til kynna að nú ætti hún að hlægja lágt og kurteislega að fyndnum setningum skifstofustjórans.

Ef forsætisráðherra þykir sæma embættinu sem hann gegnir, að lesa sundulaust ölæðisþrugl eftir Kolbein Kolbeinsson uppaf blaði yfir margheilaþvegnum óvitum, þá er það auðvitað hans mál. En hvort slíkur ósómi er þriflegur til afspurnar í öðrum löndum er allsendis óvíst; sennilega kunna svona hundakúnstir þó að hafa eitthvert fánýtt skemmtunargildi fyrir lítt skemmtanavana einstaklinga, sem þykir púður í einkennilegum sögum af einkennilegum skrælingjum á norðurslóðum.

Samt tekur útyfir allan þjófabáalk, þegar ruddalegustu slánar borgarastéttarinnar skuli voga sér að væna allan almenning um illmælgi og sleggjudóma eftir allt sem á undan er gengið í samfélaginu.

Brengluð sýn náð athyglinni

Athugasemdir

[Ásthildur Cesil Þórðardóttir, 23.11.2014 kl. 07:11]

"lyngdi glyrnunum sællega eins og geltur fressköttur þegar hann romsaði helstu lygaflækjum Kolbeins uppúr sér; lét marra í nasavængjunum þegar hann vildi gefa hjörðinni í Fjósinu til kynna að nú ætti hún að hlægja lágt og kurteislega að fyndnum setningum skifstofustjórans. "

Stundum topparðu jafnvel sjálfan þig Jóhannes hahaha " hlæ lágt og kurteislega"

[Níels A. Ársælsson., 23.11.2014 kl. 10:04]

Ha ha ha.....