Tími hirðislausa villuráfarans er runninn upp

Þetta líkar mér. Nú er gott tækifæri til að gera villuráfara án hirðis að ráðherra. Og hinn hirðislausa miðaldaspögelsi er til staðar, þess albúið að hræra sitt afdalafrjálshyggjudrullumall uppum veggi og útum gólf í innanríkisráðuneytinu. Það er borðleggjandi, að Bjarni Ben verður að taka kostaboði Péturs Blöndal, það er nefnilega ekki á hverjum degi sem svona tækifæri býðst.

Á sídegisfundi að heimili frú Ingveldar og Kolbeins, sem stendur enn, hafa fundarmenn rætt fyrirhugaða ráðherraskipan yfir stalínískum vodka og napóleondkonnjakki og hefir sitt sýns hverjum. Brynjar Vondalykt heldur mjög fram hlut Blöndals og frú Ingveldur segist vilja konu í embættið, ekki neina helvítis ekkisens gálu, heldur Konu með stórum staf, helst með karlmannshreðjar og nokkrar stífar undirhökur og búkonuhár.

Pétur vill verða ráðherra

Athugasemdir

[Ásthildur Cesil Þórðardóttir, 26.11.2014 kl. 20:35]

Jamm þetta fer að verða ansi skemmtilegt að verða vitni að, bara halla sér aftur með popp og rauðvín og fylgjast með slagnum um ráðherraembættið.  Auðvitað eykur þetta bæði traust á stjórnsýslunni og virðingu.