Munurinn á Vilhjálmi Ara og Gottfreð lækni

Þá er nú annað lag á Gottfreð Gottfreðssyni lækni, en á þessum Vilhjálmi Ara. Gottfreð læknir var fyrr á þessu ári skikkaður til heilaþvottar hjá mannauðsstjóra og síðan hefir hann læknað allt hvað af tekur og verið glaður og sáttur við launin sín og starfsaðstæður. Svo geta mannauðsstjórar gert menn úr læknum og vísast fleiri fagstéttum.

Hitt vita færri, að Gottfreð læknir er slóttugur eins og refur hefnigjarn eins og mínkahundur. Eftir að hann var sendur nauðugur í uppherslu hjá mannauðsstjóranum, ákvað hann að ná sér niðri á ríkisstjórninni og kjósendum hennar. Þannig hefir hann sprautað allmarga framsóknarmenn með sérútbúinni lyfjablöndu, sem hann fann upp sjálfur, með þeim heillavænlegu afleiðingum, að þeir ýmist hrukku uppaf, urðu geggjaðir, eða snerust uppámóti Framsóknarmaddömunni og gerðust hugheilir hatursmenn hennar. Sjálfstæðismenn hefir hann sprautað með annarri efnablöndu, sem gerir þá að fálkalegum og hlægilegum blábjánum í augum annars fólks. Sumir sjálfstæðismannanna, sem Gottfreð hefir sprautað, hafa blessunarlega hlaupið fyrir björg og verið úr sögunni og verða aldrei á kjörskrá meir.

Fá ekki annan fastan heimilislækni