Afkomendur Grýlu í mannheimum eru magrir og allir eiga þeir sameiginlegt að vera leiðir og ljótir

Þær eru margar grýlurnar og grýlurnar eru margar. Og Grýla gamla, sú sem étur krakka og gerir út jólasveina, á marga afkomendur, sem eru nær okkur en flesta grunar. Til dæmis er gamla, ljóta Framsóknarmaddaman afkomandi Grýlu, hún er semsé undan Gluggagægi, syni Grýlu, en sá ódámur hefur lengi haft fyrir sið að barna fávísar konur með brókarsótt. Má af þessari ættfærslu sjá, að ekki er tilviljun, að framsóknarstóðið sé eins og það er: alræmt illþýði, ágjarnt og valdasjúkt.

Þá er og fyrir löngu sannað, að gróðrastía saurlifnaðar og sjúklegrar ofsagræðgi á Íslandi, Sjálfstæðisflokkurinn, er útibú þokkahjónanna Grýlu og Leppalúða. Enda leggja jólasveinarnir og foreldrar þeirra leið sína, að undanteknum Gluggagægi, undantekningarlaust í höfuðuðstöðvar bófaflokksins mikla, Valhöllu, þegar þau eiga leið um mannheima. Er einlægt glatt á hjalla í Valhöllu, þegar Grýla og hennar fólk kemur í heimsókn til skrafs og ráðagerða við afkomendur sína í þeim stað. Hjá kvenkyninu í Sjálfstæðisflokknum er Giljagaur í mestum metum, en hann giljar svo vel segja þær, en þar á eftir Stekkjastaur af því að hann er ,,stinnur eins og tré." Þegar síðast taldir tveir kavalérar eiga sínar áningarstundir í Valhöllu, sækja þangað griðkur af hjáleigum sjálfstæðisbænda, Samfylkingarbúð og VG-koti, til að njóta ásta með þeim Giljagauri og Stekkjastauri eftir að heimagriðkurnar í Valhöllu hafa fengið nóg og orðnar lamaðar fyrir neðan nafla.

Er Grýla keltnesk gyðja?