Ætti að fleygja tillögunni og tillögumanni beint í Bessastaðatjörn

Hinn stórgáfaði Sigmundur Davíð telur það mikinn feng að fá Sigrúnu Magnúsdóttur til liðs við ríkisstjórnina. Eftir orðum hans að dæma hefur framsóknargriðkonan Sigrún fram til þessa ekki verið í liði ríkisstjórnarinnar, sennilega verið í stjórnarandstöðu með Gvendi litla hans Steingríms sáluga, en frelsast til framsóknarafturhalds á jólaföstunni og hampar nú lífsins kórónu. En hvernig jafn stórgáfuðum manni og Sigmundi Davíð, sem auk gáfna er stórbóndi að einhverri Útirauðsmýri fyrir austan, þykir fengur að því að fá Sigrúnu þessa til einhvers, er þess eðlis að meðalheimskur íslendingur botnar ekki neitt í neinu, fremur en Vigdís Hauksdóttir.

En hvað um það, þá ætlar hinn Mikli Leiðtogi, sem er stórbóndi eins og Óláfur Samskips að Miðhrauni I, að leggja til við forseta Íslands á morgun að margnefnd Sigrún taki við embætti umhverfis- og auðlindaráðherra. Auðvitað á forseti Íslands að hafna þessari sprenghlægilegu tilögu hins stórgáfaða orðuþega og segja honum eins og er, að stjórnmál eigi ekki að vera vettvangur fyrir fíflagang, sérhyggju og fávitaskap og kasta tillögunni og tillögumanninum beint í Bessastaðatjörn, þótt það sé í sjálfu sér mikil vanvirðing við blessuð góðhrossin sem drukknuðu þar á dögunum.

Það verður því glatt á hjalla að heimili Kolbeins Kolbeissonar og frú Ingveldar um áramótin, enda margs að fagna fyrir þau hjónin og stórmenni lýðveldisins.
Hinsvegar er jafnvíst, að fögnuður fólks á alþýðuheimilum verður af öðru kalíberi en gleði Kolbeins og Sigmundar bónda, enda talar fólk á alþýðuheimilinum mest um þjóðfélagsbyltinu þessa dagana.

Sigrún næsti umhverfis- og auðlindaráðherra

Athugasemdir

[Anna Sigríður Guðmundsdóttir, 30.12.2014 kl. 20:52]

Sigrún er eflaust ágætis persóna, og ekki ætla ég henni neitt slæmt að óreyndu.

Það vakti hins vegar athygli mína að hún sagði í kvöldfréttum á stöð 2, að það væri vant fagfólk í ráðuneytinu. Kannski ekki orðað alveg svona, en meiningin var sú. Það er ekki nóg að Sigrún sé ágætis persóna, ef hún ræður ekki hverjir eru fagfólk ráðuneytisins. "Hagvant" fólk?

Til hvers eru ráðherrar? Eiga ráðherrar ekki að ráða einhverju í ráðuneytum?

Það vakti líka athygli mína að Vigdís Hauksdóttir var ekki spurð sjálf í þeim fréttatíma, heldur var Sigmundur Davíð látinn svara fyrir hana? Og hann látinn segja að hún hefði sjálf lagt til að Sigrún yrði ráðherra? Vigdís Hauksdóttir er vön að geta svarað fyrir sig sjálf! Hvað hefur breyst?

Það er kannski kominn tími til að birta "STÓRA PLANIÐ" opinberlega, sem baktjaldapersónur og leikendur eru að steypa í einræðismót banka/lífeyrissjóða/gjaldeyrisræningja?

Vígdís Hauksdóttir er kannski ekki nógu "þæg" við ræningjamafíuna, sem hún hefur nýlega lýst sem sjálfs-verjandi rándýrt kerfi?

Það er enginn vafi á því að opinbera skriffinnskukerfið kostar ógrynni skattfjár, en kann í mörgum tilfellum ekki annað en að benda á næstu stofnanir, Sem leiða svo viðkomandi þjónustuþega á milli stofnana. Og að lokum enda þjónustuþegar/skattgreiðendur/vinnuveitendur kerfisfólksins aftur til fyrstu stofnunar sem leitað var til?

Flest venjulegt fólk veit hvernig þetta ruglkerfi ver sjálft sig, og útilokar þá þjónustuþega sem það (skriffinnskukerfið) á að verja.

Það þýðir ekkert fyrir einhverja fjölmiðla-hagvana hagfræðispekinga, og aðra  rétttrúaða fastráðna "álitsgjafa", að belgja sig í viðtölum hingað og þangað, og vitna svo jafnvel í eitthvað "plan"? Og án útskýringa og rökstuðnings?

Þeir komast kannski upp með svikaplanið, sem skipa baktjaldaklíkuna.

Verði þeim að góðu, sem telja sig geta keypt sig endalaust frá sannleikanum og baktjaldaplaninu. Og ætla að svíkja allt og alla, fyrir banka/lífeyrissjóða/útgerðar-mafíurnar dópandi.

M.b.kv.

[Jón Páll Garðarsson, 30.12.2014 kl. 23:12]

Eru ekki opinberir starfsmenn skikkaðir til að láta af störfum sjötugt? Verður hún ekki að gerast undirverktaki til að þyggja pening frá ríkinu?

[Jóhannes Ragnarsson, 30.12.2014 kl. 23:27]

Ég held að strafslok við 70 ár eigi ekki við um alþingismenn og ráðherra, Jón Páll, þannig að ekki er útilokað að karlinn hennar Sigrúnar verði líka gerður að ráðherra.