Þá orkti eitt helsta þjóðskáld þeirra tíma

Um skelfilegan atburð, sem átti sér stað fyrir margt löngu, orkti eitt helsta þjóðskáld þeirra tíma:

Hann litli Jón skaut Gunnu systur sína
á sextán skrefa færi og tókst að hitta,
þá sagði móðir hans, hún stóra Stína:
,,Sá stutti verður einhvern tíma skytta.

Litli Jón er kemur við sögu í ofangreindu ljóði var var þó orðinn fimm ára þegar hann banaði systur sinni. En að tveggja ára piltur skuli vega móður sína og það inni í verslun, tekur út yfir allan þjófabálk; það slær fræg víg yngissveinanna Egils Skallagrímssonar og litla Jóns alveg út. Og þegar Grettir Ásmundarson á Bjargi fláði Kengálu lifandi þegar hann var langt innan við fermingu er eins og sálmasöngur í sunnudagaskóla miðað við ódæðisverk hins tveggja ár snáða í Amríku.

Tveggja ára skaut móður sína

Athugasemdir

[Ingibjörg Magnúsdóttir, 31.12.2014 kl. 00:26]

Hæ Jóhannes, þú hefur tækifæri til að lagfæra bloggfærsluna þína, vonandi kannt þú það. En þátíð af sögninni "yrkja" t.d. ljóð, er t.d. hann "orti" ljóð. En fyrirsögnin hjá þér er "Þá orkti eitt helsta ljóðskáld þeirra tíma" Bendi þér á að laga færsluna. Þegar maður bloggar hér, verða manni á mistök, innsláttarvillur og stafsetningarvillur. En sem betur fer getur maður leiðrétt þetta nánast samstundis. Nýárskveðjur frá mér, Inga

[Jóhannes Ragnarsson, 31.12.2014 kl. 00:48]

Takk fyrir Inga, en ég læt ,,orkti" duga. Ég hef hef nokkuð oft rekist á rekist á þessa mynd af orðinu, þá í einhverjum gömlum textum. Ég held samt að ,,orkti" í staðinn fyrir orti sé svo gott sem horfin úr málinu fyrir nokkuð löngu síðan.

En satt að segja, þá notaði ég ,,orkti" til að undirstrika fáránleikann sem mér finnst fylgja því að það geti gerst að tveggja ára barn skjóti aðra manneskju til bana.