Dásamlegir fulltrúar auðvaldþöggunar og auðvaldshattur sem varð sjóhattur

Hvaðan úr fjáranum hafa Eggert Skúlason og ungfrú Bergþórsson þá hugmynd að þau séu skemmtileg, eða geti verið skemmtileg? Slíkir höfuðórar eru ekki beint til þess fallnir að vera gott vegarnesti fyrir væntanlegan ritstjórnarferil þeirra á DV. Hinsvegar eru Eggert og ungfrú Bergþórsson fullboðlegir fulltrúar fyrir úrkynjað afturhald kapítalismans á Íslandi og ríma ágætlega við skemmtilegheitin sem ráða ríkjum á þeim eiturmengandi fjóshaugi. Og erindi þeirra á DV er aðeins eitt: Þagga niður gagnrýni og fréttaflutning af verstu skítmennum og lygalaupum hægriöfgasveitanna á Íslandi, sem DV reyndi að halda uppi í ritstjórnartíð Reynis Traustasonar.

Það er svo sem skiljanlegt, að siðferðilega brenglaðar auðvaldstruntur vilji margt til vinna að skrúfa fyrir alla umræðu og gagnrýni, sem þeim er á móti skapi. Hatrið sem þetta andlýðræðislega yfirstéttarpakk hefur haft á DV, Ríkisútvarpinu, bloggurum og þeim sem láta til sín taka í athugasemdadálkum netmiðla hefur varla farið fram hjá nokkrum manni.

Þegar ég hugsa um nútímaauðvaldsperverta Sjálfstæðis- og Framsóknarflokks sé ég allatf fyrir mér jakkafataklædda auðvaldsbelginn, sem velti sér ofurölvi uppúr moldaflagi á úthátíð um verslunarmannahelgi hér um árið. En þrátt fyrir fullkomið jafnvægisleysi og hverja byltuna af annarri í drulluforinni lét þessi auma skepna sér ekki muna um að ausa svívirðingum, hortugheitum og óbótaskömmum yfir ungt vinnandi alþýðufólk sem þarna var statt, af slíkum sannfæringarkrafti að engum líður úr minni sem vitni varð að athöfnum og munnsöfnuði auðvaldsbelgsins. Þó tókst einum viðstaddra að nappa hatti auðvaldsbelgsins, sem hann missti af hausnum í einni byltunn, og endaði sá ágæti auðvaldshattur sem sjóhattur og gengdi því hlutverki í nokkur ár. 

„Sá hlær best sem síðast hlær“

Athugasemdir

[Aztec, 31.12.2014 kl. 14:49]

Það sem truflar mig er að Eggert hafi sagt:

"Ég geri ráð fyr­ir að all­ir vilji halda áfram í starfi en ef ein­hver lýs­ir vilja til ann­ars tek ég að sjálf­sögðu til­lit til þess."

Eggert á bara að reka þetta helvítis hyski, hvort sem það vill halda áfram eða ekki. Það liggur í augum uppi.

- Pétur D.

[Jóhannes Ragnarsson, 31.12.2014 kl. 15:36]

Auðvitað á Eggert brandarakall að reka helvítis ,,hyskið", enda er eins víst að umrætt ,,hyski" nái að fremja einhver skammarstrik, sem eigendum Eggerts og ungfrú Þergþórsson væru ekki að skapi.

En satt að segja, held ég að DV verði ekki langra lífdaga auðið og verði gjaldþrota innan skamms. Eftir það mun eflaust ekki standa á Eggerti, ungfrú Bergþórsson, Binga og gifturíka kaufélagsstjóranum á Sauðárkróki að segja brandara af velheppnaða DV-trixinu.

[Aztec, 31.12.2014 kl. 17:42]

Eigum við bara ekki að sjá til, hvernig það fer. Annars hefur DV verið á barmi gjaldþrots í mörg ár vegna ritstjórnarstefnu Reynis Traustasonar, svo að sú stefna hefur ekki verið vænleg.

Ég var rétt í þessu að tékka á dv.is og sé að ekkert hefur breytzt ennþá, en eitt af því sem Eggert sagði var mér að skapi, og það var varðandi heykvíslahjörðina í kommentakerfi DV. Þar verður kærkomin breyting. Vonandi verður þá ritsóðunum og rógberunum eytt út í staðinn fyrir þá sem er eytt út fyrir að vera ekki sammála skítkösturunum.