Nú hljóp á dauðafærið

Nú hljóp heldur betur á dauðafærið hjá þeim þarna fyrir norðan land að fá loksins Borgarstjóra með stóru bé-i til að taka til í ruslakistunum þeirra. Gunnar I. varð frægur fyrir að draga Kópavog uppúr ólýsanlegri eymd og volæði og skila honum af sér sem stórborg með Goldfinger, Krossinum og Smáralind. Gjöri aðrir betur. Og nú er komið að því að koma vonlausa útnáranum ,,Fjallabyggð" á heimskortið svo eftir verður tekið.

Það er mikill munur á Gunnari I. Borgarstjóra og vankaða dauðyflinu, Degi B. Eggertsyni, borgarstjóra í Reykjavík, svo mikið er víst. Sá munur er eins og á haukfránum haferni og vængbrotnum sílamáfi. ,,Bröltir oft um í snörunni fuglinn í fjörunni." Að maður minnist nú ekki á hryggðarmyndina sem þeir hafa fyrir sveitarstjóra í Kópavogi nú til dags. Já.

Nú bíða norðanmenn í ofvæni að nýráðni Borgarstjórinn birtist og fari um Fjallabyggð eins og óður fellibylur.

Gunnar Birgisson bæjarstjóri í Fjallabyggð

Athugasemdir

[Erla Magna Alexandersdóttir, 11.1.2015 kl. 22:18]

GELDINGAR gæti kannski risið þarna ?

[Erla Magna Alexandersdóttir, 11.1.2015 kl. 22:23]

æfa ætlaði að segja GÓldfinger............

[Jóhannes Ragnarsson, 11.1.2015 kl. 22:23]

Ha? Hvað eru "GELDINGAR" í þessu samhengi?

[Jóhannes Ragnarsson, 11.1.2015 kl. 22:25]

Já, Goldfinger, það er annað mál. Það væri enginn smá akkur fyrir þá þarna fyrir norðan að fá þessháttar menningarsetur í bæinn.