Rúin öllu sem heiðvirðan róttækan sósíalistaflokk má prýða

Vinstrihreyfingin grlnt farmboð var upphaflega stofnaður sem róttækur vinstriflokkur, sem á mannamáli þýðir að þar var á ferðinni róttækur vinstrisósíalískur flokkur. En frá stofndegi VG má segja að hafi hægt og bítandi hallað undan fæti.

Upphaflega var engin Svavars Sendiherrafjölskylda í VG, enginn Árni Þór, engin Katrín Jakobsdóttir í flokknum. En þegar ljóst varð, að þessi nýji flokkur næði fótfestu, mætti þetta lið til leiks, sem aldrei skyldi verið hafa, ásamt fleiri lukkuriddurum af sama sauðahúsi kapítalisma og blekkinga- og undanrennustjórnmála. Með tilkomu þessara þrifalegu ,,nýliða" breyttist stefna VG hægt og hljótt frá því að vera róttækur sósíalistaflokkur í að verða hægfara, tækifærissinnaðu hægriflokkur, sem gerði ríkisstjórnarsetu með hverjum sem hafa vildi að helsta markmiði sínu.

Það stóð aldrei til í upphafi, að stofna flokk til að fullnægja ráðherradraumum Steingríms J. Sigfússonar, Svavarfjölskyldunnar og Álfheiðar Ingadóttur eins og raunin varð. Eða að hrekja besta og heiðarlegasta hugsjónafólkið, sem stóð að stofnun VG úr flokknum.

Nú stendur Vinstrihreyfingin grænt framboð uppi eins og útlifuð portkona á grafarbakkanum, öllu rúin sem heiðvirðan, róttækan sósíalistaflokk má prýða. Með handónýtan, hugjónalausan formann, sem gegnir sama hlutverki og gardýnu- eða gluggaskraut á heimili smáborgara og dálitla hjörð af óheiðarlegu illþýði, sem hefur sjálft sig að hugjón, að baki sér. Þessa eitruðu flokksnefnu ber fortakslaust að leggja niður, í það minnsta á Flokkseigendafélagið sem á apparatið, stal því, að taka orðið ,,Vinstrihreyfing" útúr nafni flokksins.

Eftir stendur sú spurning hvað róttækir sósíalistar ætla sér í framtíðinni. Ætla þeir að láta sér að gera sér að góðu að láta pólitíska öfugugga eins og Steingrím, Ögmund, Álfheiði og Svavarfjölskylduna taðka á sér og njóta þess eins og geðlausir masókistar?  

VG stimplaðir sem „á móti“

Athugasemdir

[Ásgrímur Hartmannsson, 7.2.2015 kl. 17:00]

Hvaða hvaða.  Ertu orðinn pirraður út í eina alvöru hard-core sósíalista flokk íslands?

Þeir eru alls ekkert hægri sinnaðir.  Nei.  Ef þeir væru til hægri hefðu þeir ekki herjað svona á millistéttina.  Hægri flokkar eru flokkar burgeosee, sjáðu til, ekki óvinir þeirra.

[Jóhannes Ragnarsson, 7.2.2015 kl. 19:31]

VG er fjarri því að vera sósíalískur flokkur, því miður.

Íslenska þýðingin á burgois er borgarastétt og sannarlega heyra VG til borgarastéttarinnar, nánar tiltekið efri millistétt. En fyrst og fremst er VG pólitískt rusl.