Það er stórmannlegt að standa fyrir klofningi verkafólks

Og ég sem hélt að þetta svokallaða Flóabandalag væri blessunarlega dautt og grafið, hvíldi sína svikaskanka og ístruleyfar utangarðs í ómerktri gröf. En því miður, í fréttum kvöldsins kemur fram að fyrirbærið enn með lífsmarki og þess albúið að halda klofningiðju sinni og svikum við alþýðuna áfram eins og ekkert hafi í skorist.

Það verður að teljast undarlegt óeðli, ef ekki hrein glæpamennska, að halda samtökum verkafólks árum og bráðum áratugum saman, með það eitt að markmiði, að því séð verður, að þjónusta auðvaldið við að halda verkalýðnum á launum, sem enginn getur lifað af líkjast helst hugnurverkfalli. Það mega heita aumu ófétin, að ég ekki segi níðingarnir, sem beita sér fyrir aðförum af þessu tagi.

Því miður hefur verkafólki ekki borið gæfa til að losa sig við illþýðið sem ræður ríkjum í stærstu félögum þess, sem bera ábúðarfull og virðuleg heiti eins og Efling, Eining, Hlíf, og svo framvegis. En meðan almennir félagsmenn eru dofnir og dauðir gegnvart legátunum sem þeir fóðra með milljón á mánuði mun ekkert gerast nema áframhaldaandi niðurlæging. Ég myndi vilja sjá almenna félaga í verkalýðsfélögunum, einkum þeim fjölmennustu, rísa upp og fleygja ,,formönnum" sínum og þeirra aftaníossum útí ystu myrkur, en hefja þess í stað stéttarbaráttu sem væri þess megnug að brjóta hlekki auðvaldsins og koma atvinnurekendastóðinu í skilning um að arðrán og kúgun veri ekki liðin lengur.

Lágmarkshækkun 35.000 kr.

Athugasemdir

[Erla Magna Alexandersdóttir, 11.2.2015 kl. 21:52]

AUSTURVÍGSTÖÐVAR PENINGA STETTARFELAGA SEM FÓLK HEFUR BORGAÐ Í ÁRATUGUM SAMAN- FORSTJÓRI LÁNAÐI SYNI SÍNUM ALLANN SJÓÐINN- RETTHAFAR AURANNA FENGU BREF- EKKI LENGUR TIL PENINGAR- SJÓÐUR TÓMUR.

 ENGINN SAGÐI ORÐ ENDA GAGNSLAUST.

 AÐRIR SJÓÐIR LIFEYRIS RENNA TIL TR. TIL LÆKKUNAR LÍFEYRIS. OG TIL UPPIHALDS UPPA SEM HAFA TEKIÐ SJÓÐINA Í SINAR HENDUR.

 ÞETTA Á AÐEINS VIÐ UM LAUNAGREIÐENDUR- EMBÆTTISMENN FÁ SIN LAUN Í MILJÓNUM Á MÁNUÐI- EÐA MARGFÖLD ÁRSLAUN VINNANDI MANNA Á MÁNUÐI. FOKKKKKKKK !

[Jóhannes Ragnarsson, 11.2.2015 kl. 21:57]

Það verður að gjörbylta þjóðskipulaginu ef það á að takast að halda hýenustóði borgarastéttarinnar frá kjötkötlunum. Það getur ekki gerst nema með harðri stéttarbaráttu verkalýðsstéttarinnar.

[Jón Ingi Cæsarsson, 12.2.2015 kl. 11:12]

Jóhannes, þú kannski veist það ekki en verkalýðsfélög eru bara fólkið sem í þeim eru og allar ákvarðanir eru bornar upp á opnum fundum til lýðræðislegarar afgreiðslu. Þú veist kannski ekki heldur að allir kjarasamningar eru afgreiddir í heildaratkvæðagreiðslu.   Sem sagt allar ákvarðanir eru meirihlutaákvörðanir í atkvæðagreiðslum, sama hvað þér finnast þær vitlausar.

[Jóhannes Ragnarsson, 12.2.2015 kl. 11:17]

Ég veit alveg nóg um verkalýðsfélög og hvernig hlutirnir ganga þar innaborðs. Ég held að þú getir lítlu bætt við þá vitneskju hjá mér, Jón Ingi.