Það fer varla nokkur úr límingum vegna hundleiðinlegs og ómekilegs fyrirbæris

Það er algjör óþarfi fyrir nokkun mann að fara úr límingunum útaf jafn hundleiðinlegu og ómerkilegu fyrirbæri og Gnarrinu; það eina sem er merkilegt við fyrirbærið er hin innantóma og andlausa múgsefjun sem verið hefur kringum það. Og að vígðir klerkar skuli ekki hafa vit á að láta aulaspekina í Gnarrinu eins og vind um eyru þjóta, er varla ásættanlegt. Mig minnir að það hafi verið geðbilaður þýskur heimspekingur á öldinni fyrir þá síðustu, sem gaf út dánarvottorð á Guð, þó svo hann hafi hvorki haft líkið í höndunu né vísað á það. Samskonar er speki Gnarrsins og þess geggjaða í Þýskalandi og engu við hana að bæta.

Hin dekkri hlið á gnarrismanum er svo tómhyggjan, sjálfhverfan og uppskafningin, sem hóf innreið sína fyrir alvöru í stjórnmálunum á Íslandi með lýðhylli þessa framúrskarandi heimskulega og þrautleiðinlega isma, sem spratt eins og krabbameinsæxli útúr sjúku sálarlífi borgarastéttarinnar, þ.e. Sjálfstæðisflokks, Framsóknar og kratahænsnanna. 

Daginn sem Jón Gnarr var gerður að borgarstjóra í Reykjavík, lýsti frú Ingveldur því yfir að þetta væru ekki eins vond tíðindi fyrir Sjálfstæðismenn og einhverjir létu í veðri vaka: Gnarrið væri nefnilega prýðilegur millileikur meðan Stóri Bróðir, Sjálfstæðisflokkurinn, væri að ná vopnum sínum aftur og hefjast til fyrri metorða í borginni. Þetta var skarplega hugsað hjá frú Ingveldi og því miður hárrétt. Á eftir R-lista moðsuðunni kom vandræðaskáldskapurinn um Ólaf F. og Hönnu Birnu, þar á eftir gnarrisminn og í kjölfarið á honum múslímapæjurnar í Framsóknarflokknum. Þessi vegferð sýnir að vísu að lengi getur vont orðið enn verra, en að lokum mun höfuðdjásn borgarastéttarinnar, sjálfur Sjálfstæðisflokkurinn, standa með pálmann í gráðugum lúkunum.

Prestar fara á límingum yfir Jóni Gnarr

Athugasemdir

[Jón Valur Jensson, 17.2.2015 kl. 23:31]

Það vantar ekki skemmtilega dramatíkina hjá þér, Jóhannes! 

[Guðlaugur Guðmundsson, 18.2.2015 kl. 11:15]

Er ekki bara ágætt að Gnarrinn hefur sýnt sitt Guðlausa andlit enn einu sinni.  Hann hefur nefninlega sýnt það áður, þótt ekki hafi það verið með svona skýrum hættti fyrr.  Og ég vil taka undir með Jóhannesi að Gnarrisminn er einhver auvirðilegasti ismi sem komist hefur á flug með þjóðinni fyrr og síðar.  Enda maðurinn sem isminn er kenndur við með eindæmum ódýr persóna, stjórnmálalega séð.  Hann er þó frábær leikari, og ætti hann að halda sig við það svið einvörðungu í framtíðinni, í stað þess að troða sér inn í stjórnmálin, sem hann hefur ekki gripsvit á, eins og dæmin sanna.

[Jón Valur Jensson, 21.2.2015 kl. 14:55]

Ég tek undir þetta með gripsvitið.