Rasismaglöðu fordómafólin

Miðað við lýsingu á háttarlagi þessara voluðu bræðra okkar í Drotni, þá eiga þeir heima á sjúkrahúsi hjá géðlæknum og sálvísndamönnum en ekki í gæsluvarðhaldi bak við lás og slá. Að loka fárveikt fólk inni í einagrunarklefa undir vörslu rassbreiðra fangavarða er mjög frumstæð villimennska og af sama meiði og vesalings mennirnir í ISIS. Að saksóknari og aðstoðarlögreglustjóri á höfuðborgarsvæðinu skuli mæla með slíkum vanvitaskap árið 2015 er hvort tveggja í senn, sorglegt og alvarlegt.

Og ekki er lánlegra að fylgjast með hinum rasismaglöðu fordómafólum, sem fram til þessa hafa haldið til í sínum fráhrindandi rottuholum, en hafa síðustu misseri skriðið fram í dagsljósið ásamt þeim munnsöfnuði sem heyrir til frumstæðum villimönnum með sjúk viðhorf til meðbræðra sinna. Þessir kónar, af báðum kynjum, eru drjúgir með sig, slá um sig með kallmannlegum ruddaskap hvernig eigi að meðhöndla þetta útlenda glæpahyski, sem sé með ísmeygilegum hætti að reyna koma sér fyrir í okkar Guðsútvalda og hreina víkingalandi með það eitt fyrir augum að fordjarfa land og þjóð og gera oss að þrælum í barbaríinu. Í þokkabót láta hin fákunnandi rasistaræxni í veðri vaka, að þau séu sérstaklega handgenginn Guði, hvaða guð sem það nú er, og umburðarlynd framúr hófi, gáfað og vel menntað. Ömurlegara hyski er varla hægt að hugsa sér ...

Óheppilegt að þeir gangi lausir

Athugasemdir

[Hallgeir Ellýjarson, 23.2.2015 kl. 21:01]

Óþarfa sóun að vera eitthvað að loka þá inni. Beint upp á flugvöll.

[Jóhannes Ragnarsson, 23.2.2015 kl. 21:26]

Og er þá vandamálið úr sögunni?

[Hallgeir Ellýjarson, 23.2.2015 kl. 21:39]

Nei en þetta fólk er ekki okkar vandamál.

Eða á að minnsta kosti ekki að vera það.

[Jóhannes Ragnarsson, 23.2.2015 kl. 21:45]

En hverra vandamál er það þá? Berum við ekki ábyrgð á náunga okkar?

[Hallgeir Ellýjarson, 24.2.2015 kl. 03:12]

Væntanlega eiga þeir heimalönd sem hægt er að senda þá til.

Okkar hlutur er samt bara að senda þá til landsins sem þeir komu frá hingað.

[maggi220 (IP-tala skráð) 24.2.2015 kl. 17:58]

"Auk þess sæk­ist hann í mynd­efni á in­ter­net­inu sem teng­ist ógn­ar­verk­um hryðju­verka­sam­taka bók­stafstrú­ar­manna."

Só?

Og eftirlýstir fyrir hvað ? Ég er t.d. eftirlýstur hjá lögreglunni fyrir að það hafi ekki enn tekist að birta mér ítrekun á einhverri stöðumælasekt í keflavík, þar sem 'vararefsing' er 1 dagur í fangelsi eða eitthvað álíka.

[maggi220 (IP-tala skráð) 24.2.2015 kl. 17:59]

Þetta hljómar eins og einhver múgæsingur, stormur í vatnsglasi.

[Kolbrún Hilmars, 24.2.2015 kl. 18:24]

Þessa blessuðu sakleysingja, hugsanlega geðtruflaða í þokkabót, á alls ekki að refsa frekar með kyrrsetningu í borgarsollinum. 
Slíkir menn eiga aðeins skilið hið besta; nyrðra í friðsældinni, þar sem aðeins hrafninn og refurinn búa og gleðja sálartetrið.

[Jóhannes Ragnarsson, 24.2.2015 kl. 19:18]

Þeir virðast ekki vera neitt sérlega blessaðir þessir veslings drengstaular. En sjúkt fólk á að lækna, burtséð frá litarhætti, kyni, trúarbrögðum, pólitískum skoðunum og upprunalandi. Þetta er víst líka fólk eins og við, jafnvel þótt það sé skilríkjalaust.