Embættismaður sem nýtur stuðnings frú Ingveldar þarf aldrei að segja af sér

Auðvitað hefir aldrei hvarflað að Sigríð Björk að segja af sér þó svo að hún hafi flækst inní Lekamálið alræmda. Það er nefnilega búið að fórna peðinu, draga það fyrir dóm og dæma. Reyndar féll drottningin líka í þessari skák, en það var ekki vegna þessa að það hafi hvarflað að henni að segja af sér heldur af því að hún hafði engann reit til fara á og skákin gjörtöpuð. Þannig gæti líka farið fyrir frú Sigríði Björk lögregluoffíséra.

Þá hefir nokkuð borið á því hjá Sigríði Björk, að hún vilji að litið sé á sig sem sérfræðing í heimilisofbeldi, en það er gott mál og göfugt og vel fallið til vinsælda. Hinsvegar hefir aldrei bólað á þessum vígreifa lögregluyfirgeneráli höfuðborgarsvæðisins, né útsendurum hennar, á heimili frú Ingveldar og Kolbeins, ekki einusinni þegar allt hefur um koll keyrt. Í staðinn hefir frú Sigríður Björk heimsókt frú Ingveldi vinkonu sína og flokkssystur til að ræða landsins gagn og nauðsynjar, enda er frú Ingveldur kvenna fróðust um þau mál ásamt Máríu Borgargagni.

Og fyrst minnst hefir verið á frú Ingveldi og heimilisofbeldi í sömu andrá, er ekki úr vegi að nefna, að skjaldan hefir ein kona beitt eiginmann sinn og vini þeirra hjóna eins skefjalausu ofbeldi og frú Ingveldur og það inni á hennar eiginheimili. Margsinnir hefir hún slegið Kolbein eiginmann sinn í rot fyrir ýmsar ófétislegar sakir og vinirnir hafa oftar en einusinni og oftar en tvisvar misst meðvitund af hennar sökum. Ekki það að Kolbeinn hafi ekki átt kjafshöggin og fangbröðin skilin, fyrir þeim hefur sá framsóknarsnati unnið með gróflegum tiltektum sínum. Það var til að mynda vel skiljanlegt þegar frú Ingveldur barði hann í öngvit þegar hann kom augafullur og nærbuxnalaus úr einhverri kynvilluveislu með Indriða Handreði og Brynjari Vondulykt. Síðar sagði frú Ingveldur svo frá, að hún hefði strax fundið helvítis óþverrafýluna sem lagði útum opna buxnaklaufina á dýrinu og undir eins gert sér grein fyrir hvers kyns var.

Ekki hvarflað að mér að segja af mér