Grunur um að launmúhámeðstrúarmönnum fari fjölgandi hér á landi

Allir sannir NATO dindlar og kanasleikjur hljóta að fagna því að elítan í Saudi Arabíu ætli að senda vinum sínum á Íslandi hundrað og fimmtíu milljonir svo þeir geti nú smíðað sér sómasamlega mosku, vegna þess, að ásamt Ísrael þá er Saudi Arabía mesta vinaþjóð Bandaríkjanna í Miðausturlöndum og eru miklir kærleikar þar á milli.Vera má að margir hatursmenn Íslam hér á landi kunni að lenda í bölvuðum ógöngum útaf höfðinglegri gjöf Sáda annarsvegar og ævarandi, fölskvalaustu ástarsambandi þeirra við ránfuglagerið í Washington hinsvegar, af þeirri einföldu ástæðu að vinir illfyglana í Washington, svo sem eins og hatursmenn Íslam á Íslandi, eru sjálfkrafa vinir þeirra vina. Reyndar vorkenni ég ekki umræddum hatursmönnum fyrir að lenda í þessari klemmu, þeir verða að krafla sig útúr henni sjálfir aðstoðarlaust.

Síðustu vikur hefir frú Ingveldur orðið æ tortryggnari á það sem bærist innaní höfðinu á Kolbeini eiginmanni hennar. Frú Ingveldi er nefnilega farið að gruna, að Kolbeinn sé búinn að taka trú á Múhámeð spámann og hans kumpána lífs og liðna. Það sem einkum styrkir grun frú Ingveldar er að Kolbeinn er stækur framsóknarmaður, en þessháttar fólk hefir löngum blótað Múhámeð á laun. Og þrátt fyrir að Kolbeinn dái, virði og elski Sveinbjörgu og Guðfinnu, sem komust inní borgarstjórn sællar minningar með því að bölva og ragna moskunni sem á að fara að byggja á völlunum neðan við Ártúnshöfðann, þá hælir hann Aröbum í gríð og erg fyrir landbúnað þeirra og sauðfjárrækt. Ennfremur hefir hann í drykkjurausi þráfaldlega gert gys að júðum í öðru orðinu en lofað stríðsmenn araba í hinu; þessháttar munnsöfnuð skilur hver meðalgreind eiginkona áður en skellur í tönnum. Og áhugi Kolbeins á fjölkvæni ríður ekki við einteyming og bendir ótvítætt til að hann sé liðsmaður spámannsins, eða í það minnsta mormón.

Sem sönnum burðarási Sjálfstæðisflokksins, geðjast frú Ingveldi ekki að tvöfeldni eiginmanns síns og því hefir hún gert árangurslausa dauðaleit heimilinu að gögnum, eins og til dæmis Kóraninum, sem gætu styrkt hugboð hennar. En þegar Kolbeinn fór fyrir stuttu síðan að þvaðra um að Indriði Handreður hefði nauðgað sér, þá styrktis grunur frú Ingveldar launmúháðmísku Kolbeins um allan helming, enda hefir hún sannspurt að muhámeðstrúarmenn nauðgi öllum andskotanum og láti sér vel líka að vera nauðgað, alveg eins og Kolbeini, sem rómaði mjög andstyggilega framkomu Handreðsins við sig.

Vissi ekki af fjármagninu