Góðir félagar í undanrennusamfélagi lukkuriddarana

Alveg dásamlegur félagi hún Sigríður Ingibjörg, lætur meira að segja gamla kexruglaða undirróðursminka hafa sig í reka að oddbrotinn og ryðgaðann rýting í bakið á formannsnefnunni, með þeim afleiðingum að hann orðinn að almennu aðhlátursefni um alla framtíð, ásamt flokki og fénaði. Svona félagsþroski og vinarþel þykir auðvitað til fyrirmyndar í Samfylkingunni, þar sem krataeðlið tröllríður heilsufari fólks eins og ólæknandi geðsjúkdómur sem engin lyf eða læknisráð virka gegn.

Ríkisstjórn hinna ruddalegu auðvaldssamtaka, sem nú situr, er vond, afleit; hún hreinlega svo stórhættuleg að brýn nauðsyn er að steypa henni fyrir ætternisstapa. En því miður er ekkert í sjónmáli til að taka við völdum. Því að þótt ríkisstjórnin sé skelfileg og samfélagsskemmandi, þá er stjórnarandstaðan jafnvel enn hroðalegri með alla sína tómhyggju, innihalds- og hugsjónaleysi og stjórnmálaheimsku. Þess vegna er tillaga Brýgýttu Jónsdóttur um kosningabandalag stjórnarandstöðuflokkanna við næstu alþingiskosningar mikið þjóðráð, því auðvitað eiga krataskiturnar og tómu undanrennudreggjarnar að vera samferða í sinni auðvaldsmerktu eyðimerkurgöngu í átt að sorphaugum kapítalismans.

Það er enginn vafi á því að fólk vill bylta þjóðskipulaginu á Íslandi. Vandinn bara sá, að loddaralýður og lukkuriddarar stjórnarandstöðu flokkanna standa í vegi fyrir byltingu og beita í því sambandi flestum hugsanlegum tegundum af vísvitandi ruglandi og grunnhyggnislegri þvælu, sem vikar eins og villandi svartaþoka á almenning. Að sjálfsögðu eru auðvaldsgrýlurnar í Framsókn og Sjálfstæðisflokknum afar ánægðar með byltingarvinnubrögð leppa sinna í stjórnarandstöðunni. Á meðan alþýða Íslands áttar sig ekki á, að eina raunverulega og raunhæfa byltingin er sósíalísk bylting, geta kapítalistarnir andað rólega og farið sínum fram, enda vita þeir að platbyltingar undanrennukratanna og lukkuriddaranna, eins og Búsáhaldabyltingin sáluga, gera ekkert annað en að festa auðvaldsskipulagið í sessi. Ef fólk vill byltingu verður að skapa farveg fyrir sósíalíska byltingu, að öðrum kosti verða engar afgerandi þjóðskipulagsbreytingar til batnaðar.  

Sigríður Ingibjörg góður félagi

Athugasemdir

[Níels A. Ársælsson., 22.3.2015 kl. 13:20]

Þegar hún sagðist ætla frá kaglinum eskaaaa og taka saman við mig eeeska, þá henti ég henni út eeessska 

[Anna Sigríður Guðmundsdóttir, 22.3.2015 kl. 13:55]

Hæstaréttar-Frímúrarahjörðin Háskólaklíkustjórnaða kúgar og sundrar. Og við mannskepnuhjörðin skemmtum Páfaklerka-Vatikan-kölskunum með okkar þrasi og sundrungu.

M.b.kv.