Með viðeigandi rykkjum og ekkasogum

Það var greinilega ekki töluð vitleysan á Alþingi í dag þegar systur í andanum, Vigdís Hauks og Ragheiður Elín, spjölluðu saman úr ræðustól eins og sperrtir hanar, sem skemmta sér við að gala hvor á móti öðrum. Sennilega hefði samt verið viðkunnanlegra ef þessi dygðarljós hefðu afgreitt þetta drekaolísnakk sitt augafullar yfir glasi í stássstofunni heima hjá annarri hvorri þeirra.

Nú síðdegis spurðist svo, að Vigdís og Ránka Elín hefðu verið að veislu, ásamt fleiri af þeirra kalíberi, hjá þeim hjónum frú Ingveldi og Kolbeini Kolbeinssyni. Þar sungu þær síðla nætur í dúett sönginn um ,,Ráðskonuna á Holtavörðuheiðinni" og kántrívestranúmerið ,,Hærra minn Guð til þín" með viðeigandi rykkjum og ekkasogum. Skömmu síðar fleygði frú Ingveldur þeim stöllum út með þeim orðum að þær væri ekki í húsum hæfar.

Að öðru leyti gerist ekkert markvert í þessari frábæru veislu, utan hvað Máría Borgargagn táldró Kolbein af gömlum vana, en það telst vart til tíðinda. Jú, annars: Frú Ingveldur sparkaði í punginn á Brynjari Vondulykt þegar hann tróð annarri lúkunni niður á rass Indriða Handreðs innanklæða og sagði gestum sínum í leiðinni, að í þessari veislu væri engin andskotans sóðasódómska liðin, aðeins fáguð og menningarleg kynvilla í samræmi við lögmál fagurfræðinnar. 

„Einhver lítill flokkur úti í bæ“

Athugasemdir

[Níels A. Ársælsson., 23.3.2015 kl. 21:18]

Það er alltaf sama andskotans óeðlið í vondulyktinni ..

[Jóhannes Ragnarsson, 23.3.2015 kl. 21:27]

Já, og svo er þetta helvítis endemi í miklum metum hjá burgeisastéttinni. Það er ekki nema von að allt gangi á afturfótunum hér á landi.