Út yfir allan þjófabálk

Það er ekki að ófyrirsynju, að gott og grandvart fólk hafi allan varan á gagnvart þrifafyrirbærinu sem kallað er Verzlunarskóli Íslands. Í hugum margra er umrædd stofnun, einkaskóli með ríkisspenann að eilífu í prangaratrantinum, þess eðlis, að það setur hroll að þeim um leið og þeir hreyra hann nefndan.

Og víst hefir þessi skólabora, ef skóla skyldi kalla, ýmislegt skuggalegt á samviskunni. Þórberg Þórðarson rithöfund, lang gáfaðasta mann sem stigið hefir innfyrir dyr skólans, ráku þeir frá kennslustörfum vegna skoðanna hans á auðvaldinu og kirkjunni. Enda sendir allrahanda arðræningjastóð og braskarar börnin sín í þennan skóla til að gera þau að verra fólki.

Þó tekur útyfir allan þjófabálk, þegar Verzlunarskóli Íslands útskrifaði frú Ingveldi með próf í grunni að viðskiptasukki. Ekki var frú Ingveldur fyrr komin með prófskýrteinið í hendurnar, en hún hóf kaupsýslustörf með tilheyrandi gjaldþrotum, misferli, auðgunarglæpum og arðráni. Tilþrif þessarar vösku konu leiddu til þess, að fljótlega var hún komin inná gafl í höfuðstövum stjórnmálaflokksins sem hún elskar og dáir.

Verslingar vekja reiði í Taílandi