Sjávarútvegur og Sjálfstæðisflokkurinn.

Eftirfarandi samsetningur er úr drögum að landsfundarsamþykktum Sjálfstæðisflokksins:

,,Núverandi fiskveiðistjórnunarkerfi hefur skilað þjóðinni miklum ávinningi. Aflamarkskerfi með framseljanlegum heimildum hefur leyst úr læðingi kraft og frumkvæði íslenskrar útgerðar og fiskverkenda. Kerfið byggir á þeirri grundvallarstefnu Sjálfstæðisflokksins, að frelsi einstaklingsins fái notið sín samfara ábyrgð á eigin athöfnum. Þannig hefur verið horfið frá stefnu ríkisforsjár og hafta. Landsfundurinn telur að festa eigi aflamarkskerfið enn betur í sessi og minnka pólitíska óvissu sem fælir aðila úr greininni og gerir hana síður samkeppnisfæra um fjármagn. Gera þarf sérstakt átak í að einfalda stjórnkerfi veiðanna og auka gegnsæi þess með því að draga úr sérstökum úthlutunum og skorðum og öðru því sem felur í sér mismunun gagnvart einstökum fyrirtækjum og byggðarlögum. Vandi einstakra byggðarlaga verður ekki leystur með millifærslum í sjávarútvegi, þar þurfa stjórnvöld og fleiri atvinnugreinar að leggja sitt af mörkum."

Það þarf ekki litla ófyrirleitni að setja saman ritsmíð eins og þessa og mikið mega höfundar þeir sem þar héldu á penna skammast sín. Halda þessir umskiptingar ef til vill að almenningur sé samansafn af fíflum sem ekkert skynbragð bera á lífið og tilveruna?

Í framhaldi af þessu, hvet ég bloggara sem þetta lesa, að segja skoðanir sínar umbúðalaust á því sem Sjálfstæðismenn ætla sér að leggja til málanna og hvað hægt er að lesa út úr munnsöfnuði þeirra.

Athugasemdir

[Magnús Jónsson, 9.4.2007 kl. 22:43]

Hvernig myndir þú vilja að tillagan hljómaði Jóhannes, þú ert þó ekki einn að þeim sem getur ekki viðurkennt að það var ekki fyrr en með kvótakerfinu sem útgerð fór að bera sig á íslandi, ekki með gengisfellingum eða lánum úr sjóðum heldur af eigin rammleik ?   

[Níels A. Ársælsson., 9.4.2007 kl. 22:46]

Magnús Jónsson. Þetta er kjaftæði sem þú ert að segja.

[Jóhannes Ragnarsson, 9.4.2007 kl. 22:57]

Ég er ansi hræddur um að þú sért eitthvað úti að aka Magnús minn Jónsson. En hvað um það, þú vildir víst ekki vera svo vænn að skýra mál þitt betur? Enn fermur væri ágætt að fá að vita hvort þú sér fullkomlega samála öllu því sem sjálfstæðismenn segja í umræddri tilvitnun? T.d. að festa kvótakerfið betur í sessi? 

[Magnús Jónsson, 9.4.2007 kl. 23:21]

Ég spurði þig hvernig þú vildir að tillagan væri, ekki kom neitt svar.Ég er fylgandi því að frelsi einstaklingsins fái notið sín, tel annað í tillögunni ver lítið annað en orðagjálfur sem það sennilega er, ekki hefur komið neitt fram um að festa þurfi svona kerfi í einhverju, því ekki eru allir á eitt sáttir. Níels hvað var kjaftæði skíring óskast, þú ert sennilega það ungur að þú kannast ekki við hvernig útgerð stóð sig hér fyrir kvótakerfið, til dæmis þurfti ríkissjóður að bjarga Landsbanka Íslands frá gjaldþroti vegna útgerðar á Bolungarvík á sínum tíma, þú mátt gjarnan álíta það kjaftæði en upphæðin sem greidd var þá væri sennilega á annan tug milljarða framreiknað allt saman skattpeningar.Ég er fylgjandi umræðu um fiskveiðar það að bulla bara að einhver sé með kjaftæði er ekki umræða og lýsir fátækt þess sem notar ekki öfugt, hef lesið smá eftir þig Níels og litist vel á en nú setur þú niður þykkir mér.     

[Níels A. Ársælsson., 9.4.2007 kl. 23:42]

Það sem ég átti við Magnús var það að útgerð hafi aldrei getað gengið fyrr en kvótinn kom á. Það er alls ekki rétt hjá þér. Úthlutun kvóta án endurgjalds er ríkisstyrkur. Svo ? Fyrirgefðu ég ætlaði ekki að móðga þig.

[Magnús Jónsson, 9.4.2007 kl. 23:56]

Níels hér móðgas enginn, takk samt, flestir sem eiga ráðstöfunarrétt yfir kvóta í dag haf keppt hann og það dýru verði það kann vel að vera að horfa megi á það sem úthlutun en ef þú sem ungur ofurhugi fjárfestir í bát og kaupir kvóta þá verður þú að fá að klára alla allavega að borga það sem þú skuldar, áður en ríkið rukkar þig um kvótaleigu á því sem þú keyptir er það ekki, eða á ríkið bara að hrifsa kvótann af þér og bjóða þér svo að leigja hann

[Níels A. Ársælsson., 10.4.2007 kl. 00:47]

Þetta er ekki svona einfallt. Þú sást hvað var uppi á teningnum í vetur í stjórnarskrámálinu. Þjóðin á kvótann og það hefur enginn heimilað útgerðamönnum að selja hann varanlega sín á milli. Þetta eru gjörningar sem ekki standast stjórnarskránna. Ef einhver hefur látið plata sig til að kaupa varanlegar aflaheimildir þá verður hann að sækja rétt sinn á þann aðila en ekki á ríkið. Þeir sem keypt hafa mest af aflaheimildum í gegnum tíðina eru örfáir aðilar og það er mjög auðvelt að sýna fram á það að þeir hafa aldrei þurft að borga sjálfir af þeim lánum sem þeir tóku til þessa. Það eru leiguliðarnir sem borguðu brúsann fyrir þá og sjómennirnir á þeirra eigin skipum sem þurft hafa að þola 40-60% lægra fiskverð heldur en greitt er á fiskmörkuðum. Verðlagsstofa Skiptaverðs er notuð í þessum tilgangi, Að lokum. Það eru sjávarbyggðirnar sem eiga lögvarinn rétt á nýtingu fiskimiðana og á það verður látið reyna fyrir alþjóðadómstólum.

[Ásthildur Cesil Þórðardóttir, 10.4.2007 kl. 10:59]

Frjálslyndi flokkurinn er eini flokkurinn sem er með velútfærða stefnu í sjávarútvegsmálum.  Ég las hana um daginn þegar Guðjón Arnar kom í kaffi.  Þeir munu kynna hana á næstu dögum.  Enda eru þarna menn sem þekkja vel til sjávarútvegs og þeir hvar mikið spekulerað í hvernig hægt væri á sem mýkstan hátt að vinda ofan af núverandi kvótakerfi.  Það á til dæmis að byrja á að taka ýsuna, ufsan og steinbítin út úr kvóta, það var aldrei þörf á að kvótasetja þessar tegundir, það var gert fyrir útgerðarmennina svo þeir gætu betur setið einir að öllu.  Enda er þetta ríkisstjórn kvótagreifanna.