Framsóknarhreyfingin VG í NV-kjördæmi.

Eins og fram hefur komið, virðist engu máli skipta hvaða einstaklingum er raðað í efstu sæti VG; í öllum kjördæmum landsins er flokkurinn í fljúgandi uppsveiflu. Meira að segja í Norðvesturkjördæmi mælist VG með 23% fylgi í skoðanakönnunum, þrátt fyrir að seint verði hægt að reka upp húrrahróp fyrir lista þeirra í kjördæminu. Þegar litið er til fjögurra efstu frambjóðenda VG í þessu kjördæmi, fær maður ósjálfrátt á tilfinninguna að þar sé á ferðinni b-hópur bændaarms Framsóknarflokksins í kjördæminu. Þó skal því haldið til haga að tilkoma Jóns Bjarnasonar í VG, lá í gegnum afhroð hans í prófkjöri Samfylkingarinnar í Norðurlandskjördæmi - vestra fyrir rúmum átta árum. Síðan hefur hann fengið að valsa um óáreittur á vegum VG, vel verndaður undir vængbarðinu á Steingrími formanni, gjammandi í fornfálegum framsóknarstíl.

Það er eitthvað kostulegt að hjá VG í Norðvesturkjördæmi og greinilegt að metnaðurinn er lítill hjá flokksmönnum. A.m.k. er það engin ,,vinstrihreyfing" sem fer fram undir merkjum VG í því kjördæmi.

VG bætir við sig í Norðvesturkjördæmi samkvæmt könnun

Athugasemdir

[Þórður Steinn Guðmunds, 11.4.2007 kl. 22:19]

Jú Dalamenn eru með 2 menn í bæjarstjórn og á Akranesi í það minsta.

[Ásthildur Cesil Þórðardóttir, 12.4.2007 kl. 09:57]

Já þetta er ótrúlegt með Vinstri græna.  Ætli þeir verði ekki einráðir eftir næstu kosningar.  Fái meiri hluta atkvæða ef svo heldur áfram sem horfir.