Það er skammarlegt að drukkna í Reykjavíkurtjörn

Það var naumast að manngarmurinn fékk ér neðaníðí, fyrr má nú gagn gera. Fyrst þetta var útlensk fyllibytta, má gera ráð fyrir að hann hafi ekki vitað, að einhver mesta skömm sem einn maður getur orðið fyrir er að drukkna í Reykjavíkurtjörn; háðuglegri daudagi er ekki til á Íslandi og er þá ,,reiðarslag" meðtalið.

Ég er líka að velta fyrir mér hvort það hafi verið einhver innfæddur sem hellti manninn svona ösku-blindfullann. Sem minnir mig á þegar ég og Gvendur vinur minn helltum rússneskan sjómann svo hryllilega ofurölvi á Hótel Borg, að félagar hans urðu að bera hann um borð. Það hefur víst ekki runnið af þessum manni síðan, og eru þó þrjátíu og tvö ár liðin frá því fundum okkar bar saman. Með þessu er ég þó ekki að gera að því skóna, að hinn ágæti japanski ferðamaður eigi eftir að vera draugfullur þa sem eftir er æfinnar. En það er samt aldrei að vita ...

Ölvaður ferðamaður fannst í Tjörninni

Athugasemdir

[Ólafur Þórðarson, 3.5.2007 kl. 19:10]

Hvað er þetta? Mega menn ekki fara í fótabað lengur án þess að vera handteknir?

[Jóhannes Ragnarsson, 3.5.2007 kl. 19:42]

Samkvæmt fréttinni var ekki um hefðbundið fótabað að ræða hedur yfirvofandi drukknun. Menn hafa nú verið handteknir fyrir minna.

[Benedikt Halldórsson, 4.5.2007 kl. 13:28]

Reyna bara aftur og aftur,

onávatnsgönguna vanda,

hvort er hann bara fylliraftur

eða haldin heilögum anda?