Ekkert í boði nema að fara úr öskunni í eldinn

Það er hvurju orði sannara hjá Árna Páli, að ógæfa Samfylkingarinnar snúist ekki bara um hann, svo stór er hann ekki, og fylgisleysi flokksnefnunnar, sem hann er foringi fyrir, er ekki honum einum að kenna. Sannleikurinn er nefnilega sá, að hefir verið frá upphafi handónýt flokksleysa, sem vesælir kjósendur bundu á tímabili óskiljanlegar vonir við. Enda kom það á daginn, þegar vandræðapratar Samylkingarinnar komust í ríkisstjórn, hverskyns var. Þá loksins sáu kjósendur að þetta var gjörsamlega handónýtt apparat, hundleiðinlegt og mannskemmandi og forðuðu sér frá því eins og hverri annarri óþolandi skítalykt.

Og víst er það, að hængilmænurnar, sem eru að bögglast við að vera í stjórnmálum í dag, eru sannarlegir taðfuglar; svo fráhrindandi sorphænsi að venjulegt fólk getur með engu móti dregið andann í návist þeirra.

Þegar svo kjósendum er orðið ljóst, að Samfylkingin er ónýtur svikabastarður, sömuleiðis VG, Bjarta framtíðin heimskulegt og hlálegt villuljós og samtökin sem kenna sig við sjálfstæði og framsókn hræniræktaðir, skipulagðir bófaflokkar, þá rýkur lýðurinn til og hyggst kjósa svokallaða Pírata, sem er samsafn af óheiðarlegu fólki, frjálshyggjustrompum, kyndugum rugludöllum og venjulegum bjánum.

Það er sama hvert litið er: Ekkert er í boði nema að fara úr öskunni í eldinn.

„Þetta snýst ekki um mig“

Athugasemdir

[Aztec, 6.9.2015 kl. 17:46]

Jóhannes, fyrst þú ert búin að afgreiða þannig alla flokka sem nú eru á þingi, ætlarðu þá að skila auðu eða ógildu atkvæði í næstu þingkosningum? Eða gera eins og ég gerði síðast, að kjósa smáflokk sem ég vissi fyrirfram að myndi ekki komast á þing?

[Jóhann Kristinsson, 7.9.2015 kl. 03:06]

Kanski Hægri Grænir séu svarið.

kveðja frá Houston

[Jóhannes Ragnarsson, 7.9.2015 kl. 09:02]

Eitt er víst, Aztec, að ekki kemur til grena af minni hálfu, að kjósa einhvern af þeim flokkum, sem nú eiga sæti á Alþingi. Ef Alþýðufylkingin býður fram í mínu kjördæmi, þá fær hún mitt atkvæði.

[Aztec, 7.9.2015 kl. 13:06]

Ég kíkti á facebook-síðu Alþýðufylkingarinnar og þar voru flottar myndir af vöfflum. En svo las ég að það væru ekki bara vöfflur á stefnuskránni heldur ýmislegt annað. Mér sýnist að þetta vera mikið til gamla stefnuskrá Alþýðubandalagsins meðan sá flokkur var í stjórnarandstöðu. Sá flokkur hafði aðra stefnuskrá þegar hann var í ríkisstjórn.

Ég man þegar ég var ungur hvað við hötuðum "gamla" Framsóknarflokkinn, því að hann virtist bara hafa eitt markmið og einn tilgang: Að vera í ríkisstjórn. Skipti þá engu máli með hverjum. Svona eins og Samfylkingin í dag.

[Vésteinn Valgarðsson, 18.9.2015 kl. 09:26]

Aztec (ef það er þitt rétta nafn), "að vera í ríkisstjórn" er ennþá stefnuskrá Framsóknarflokksins, dregin saman í fjögur orð.

Ástæðan fyrir því að Þorvaldur Þorvaldsson og ég sjálfur gengum úr VG og stofnuðum ásamt fleirum Alþýðufylkinguna, er einmitt að VG í ríkisstjórn var með allt aðra stefnu en VG í stjórnarandstöðu. Alþýðufylkingin er bara með eina stefnuskrá.

[Aztec, 18.9.2015 kl. 23:04]

Þá vona ég, Vésteinn, að flokkurinn komist á þing og geti bolað VG í burtu smátt og smátt. En passið ykkur á hverjum þið hleypið inn í flokkinn.