Einskonar vindbelgir án hirðis

Samfylkingin hefir aldrei átti því láni að fagna, að eiga nothæfan formann; allir þeir sem gengt hafa formannsembætti þar á bæ hafa verið óburðugir undirmálspólitíkusar af mismunandi lukkuriddarategundum; svona einskonar vindbelgir án hirðis. Og ekki er ein einasta sála í til í Samfylkingunni og nærsveitum, sem gæti reynst góður formaður - og ekki nóg með það: Samfylkingin á enga stjórnmálamenn nema að nafninu til. Það er komið kvöld í lífi Samfylkingarinnar og hún mun hrökkva uppaf innan stundar, því geta þeir sem hafa atvinnu af Samfylkingunni ekki breytt, hvað sem þeir staglast mikið á því að þeir séu jafnaðarmenn eða jafningsmenn og þar fram eftir götunum. Það vinnur nefnilega aunginn sitt dauðastríð.

Já, krataskiturnar eru svo sannarlega skrýtnar skepnur, jafnvel enn skrýtnari en hallærislegustu framsóknarkurfarnir og ráðvilltustu píratavofurnar. Mér sagði glöggur maður, að samfylkingarfénaðurinn væri ekki einusinni nothæfur í saltket, ekki fremur en kattarskítur eða sinuruddi. Þetta væri slíkur ófögnuður, að jafnvel íhaldinu óaði núorðið við að nota hann fyrir hækju, og væru þeir þó ekki þekktir fyrir að vera vandir að virðingu sinni þegar þeim vantar prik til að styðja sig við í ríkisstjórn.

Stjórnmálaflokkar á síðasta séns

Athugasemdir

[Helga Kristjánsdóttir, 9.9.2015 kl. 01:51]

Þú ert kjarnyrtur í meira lagi. Satt að segja bjóst ég aldrei við þessari lyktan mála,að því er virðist einskonar varnarsamstarf gömlu flokkanna til að hafa meiri áhrif á þingi og meiri völd er varða afsal fullveldis Íslands en forseti vor. Nú bið ég til guðs,sama þótt þú hæðir það. 

[Jón Valur Jensson, 9.9.2015 kl. 03:37]

Góður er Jói í gáska sínum,

gengur ekki´ eftir flokkalínum.

Síðast alls kysi hann Samfylkingu,

svei mér ef hótar ei bannfæringu

yfir þeim vesala landsölulýð;

lái þeim hver sem er ár og síð!

[Jón Valur Jensson, 9.9.2015 kl. 03:43]

Lasti þá her sem er ár og síð!