Valgerður, Wolfowitz og klámkarlarnir.

Þetta er aldeilis þokkalegt að heyra. Hvað vit í að banna mannaumingjanum að koma í heimsókn þó hann hafi gaukað einhverju smáræði að frillu sinni. Þetta minnir mann á þegar klámköllunum var meinað að halda samráðsfund í Bændahöllinni í vetur. Og að það sé Valgerður áldrottning og framsókanarmaddama sem vill ekki fá Wolfowitz karlangann í heimsókn er vægast sagt kostulegt í ljósi afreka Framsóknarflokksins síðustu 12 árin.

Sko, ef Wolfowitz er spilltur (sen hann auðvitað er) hvað má þá segja um Framsóknarflokkinn? Ég fæ a.m.k. ekki séð að framsóknarmafían sé fremur landtæk en Wolfowitz og klámkarlarnir.  

 

Wolfowitz aflýsti ferð sinni til Íslands að beiðni ráðherra

Athugasemdir

[Óskar Helgi Helgason (IP-tala skráð) 7.5.2007 kl. 16:19]

Heill og sæll, Jóhannes !

Mikið andskoti tekur þú hressilega, á Framsóknar andagtinni. Þú ferð á kostum, í hverjum pistlinum, á fætur öðrum.

Annað........ Jón Kristófer Arnarson; heitir góðhjartaður drengur, meðal Eyfirzkra (á Akureyri). VG liði, eins og þú, hann hefir iðkað kögglakast, út í félaga mína, í Frjálslynda flokknum, sakandi þá um rasisma (mannfræði), tókst mér nú, fyrir skömmu, að sveigja hann; af þeirri óheillabraut, um hríð, a.m.k., hvatti ég hann til að fara inn á spjallsíðu þína, varðandi roluskap VG í kynningar- og kosningamálunum, almennt.

Vona, að Jón Kristófer hafi sett sig í samband, við þig, er reyndar haldinn bábilju Steingríms J. Sigfússonar Þistilfirðings, að nokkru, og eins og þú veist; Jóhannes, að þá er nú orðið stutt í Svínfellinga goðorð (suður af Steingrími), og það er nú eins og það er.

Með beztu kveðjum, úr Efra- Ölfusi á Snæfellsnesið / Óskar Helgi Helgason 

[Jóhannes Ragnarsson, 7.5.2007 kl. 18:04]

Sæll vertu Óskar Helgi og þakka þér fyrir.

Eins og þú getur nærri er ég orðinn langþreyttur á framsóknarandstyggðinni sem hefur fengið að ríða húsum að vild í stjórnarráðinu síðustu tólf árin með Valhallrgenginu. Samkvæmt venju fer Framsóknarflokkurinn í sérlega ógeðfelldan ham síðasta mánuðinn fyrir kosninga, lýgur, sukkar, vælir, hræsnar, smjaðrar og flaðrar eins og drukkinn maður á kvennafari.

Ég verð víst að hryggja þig með því að upplýsa, að félagi Jón Kristófer hefur ekki gert vart við sig í mínum ranni. Það hafa heldur ekki gert VGingar sem leiðitamir eru flokkseigendaelítunni miklu í VG, hver undirlögð er af hjörleifsku og yfirstéttarfemínisma.

Á Fjálslyndum dettur mér ekki í hug að berja enda er ég andstæðingur kvótakerfisins eins og þeir. 

Með kveðju af Eyrbyggjuslóðum ....