Allsherjar barnaflengin yfirvofandi í Háteigsskóla

Það eru naumast uppástöndugheitin í krakkaskröttunum þarna Háteigsskóla. Ekki veitti af, að skólastjórnin þar á bæ héldi uppá 100 ára kosningarétt kvenna með því að efna til snarprar general barnaflengingar í þessari námsverstöð, til að hrekja óartina burt úr déskotans villidýrunum, sem valsa þar um ganga með bera bústna belgina útí loftið. Sómakærir borgarar eiga hreint út sagt ekki orð yfir framferði af þessu tagi, og ætti aungvann að undra. Ef fer fram sem horfir, þá er einsýnt, að drengirnir í skolanum fari að mæta nærbuxnalausir til náms í buxum, sem búið er klippa rassstykkið úr.

Á nýhöldnum barnaverndarnefndarfundi tók frú Ingveldur magabolaskömm grunnskólatelpna til umræðu. Sagði hún, að þvílíkur klæðaburður leiddi telpur gjarnan til hrösunar og ævilangs syndalífernis. Tók frú Ingveldur dæmi af vinkonu sinni, Máríu Borgargagni, sem gekk í skóla, þráfaldlega íklædd magabol. ,,Hún varð auðvitað lauslætinu og hórnum að bráð", fullyrti hún, ,,og gerðist frilla Indriða Handreðs, eins þokkalegt og það nú var. Þótt þau hafi gengið í hjónaband um síðir, þá var mannorð hennar svo útsvínað af synd, sem rekja má beint til magabolsnotkunar hennar í barna- og unglingaskóla, að einungis fylliraftar og öfuguggar litu við henni þegar fram liðu stundir."

Eins og að framan er getið, þá hlýtur alsherjar barnaflenging að standa fyrir dyrum í Háteigsskóla. Reikna má með, að verkið verði boðið út og veitt lægstbjóðanda, að undangengnu forvali. Nokkur ágæt fyrirtæki eru vel í stakk búin til að taka að sér að framkvæma svo umfangsmikla aðgerð, svo sem eins og Sinnum ehf. sem sérhæfir sig í að taka það sér verkefni sem skattgreiðendur borga. Einnig eru fyrirtæki á borð við Granda h/f og Hringrás vel vopnum búin til að takast á við stór verkefni á borð við að flengja heilan grunnskóla.

„Þetta eru bara föt“