Leiðir sumra fjölskyldumeðlima eru á stundum órannsakanlegar

Æjá, það fór víst eitthvað úrskeiðis hjá góðu og grandvöru fólki um helgina. En sem betur fer elskar öll þjóðin frú Ingveldi, Kolbein Kolbeinsson og Máríu Borgargagn, því þau og þeirra vinir tilheyra fjölskyldunum 14, sem sagt er að eigi allt sem einhvers er virði í pééníííngum og megi þar af leiðandi allt sem þeim sýnist. Auðvitað er eitthvað dularfullt við, að Máría Borgargagn hafi verið gripin á g-stengnum einum fata á Hverfisgötunni um það bil klukkan 21:00 í gærkvöldi. Nú veit fólk, að Hverfisgatan er óæðri gata, uppfull af pééníííngalausum rónalýð og alls ekki við hæfi Máríu Borgargagns að ganga þar um, hvort heldur kappklædd eða einungis í g-streingsnærbuxum.

Það skal og upplýst hér og nú, að það var Kolbeinn vinur okkar allra Kolbeinsson, sem lögreglan bjargarði augafullum uppa Lækjargötunni eftir að hafa hlaupið ölmóður innan um bifreiðar á fleygiferð. Eftir því sem næst verður komist, þá mun Kolbeinn hafa verið nýsloppinn út frá öfugugga nokkum í miðbænum þegar hann tók til við að æða eins og flaumósa meri fyrir bíla. Á lögreglustöðinni kvartaði hann um gigtarstingi og sviða í afturendanum, en lögreglan svaraði kveinstöfum hans með því að læsa hann inni í fangakelfa með öðrum ólifnaðarmanni.

En þetta með Máríu Borgargagn á g-strengnum í gærkveldi er svo sem ekki neitt nýtt á afrekaskrá þeirrar konu. Furðulegast er hvað hún er gjörn á að gleyma að klæða sig áður en hún æðir útá stræti borgarinnar. Þó má fjandinn einn vita hvaða erindi hún átti á Hverfisgötu, því öðrum meðlimum fjölskyldnanna 14 er ókunnugt um, að Máría, eða aðrir úr fjölskyldunum, þekki nokkurn mann á Hverfisgötunni. Reyndar hefir Brynjar Vondalykt, sem einnig er liðsmaður fjölskyldnanna 14, stöku sinnum sést að næturþeli í óæðri götum á Höfuðborgarsvæðinu, en sá piltur lætur sér heldur fátt fyrir brjósti brenna.

Á g-streng einum fata