Íhaldið, kostnaðarvitundin og Samfylkingin.

Við skulum vona að höfuðmissir risans hafi forspárlegt gildi og boði gott. Máske missa fleiri risar höfuðið hérlendis næsta sólarhringinn, eins og t.d. ríkisstjórnarflagðið okkar. Það yrði þá risaandlát en ekki risaskaði. Nú er bara að vona, að í staðinn fyrir FramsóknarÍhaldsstjórnina fáum við ekki SamfylkingarÍhaldsstjórn því þessháttar stjórn væri meir en líkleg að leggja góða áherslu á að efla kostnaðarvitund landsmanna, ekki síst kostnaðarvitund sjúklinga, öryrkja, gamalmenna, skólabarna og svo framvegis. Mér er enn í fersku minni þegar samfylkingarmaðurinn Sighvatur Björgvinsson var heilbrigðisráðherra. Þeim góða ,,sósíaldémókrat" var mjög í mun að efla kostnaðarvitund sjúklinga og fylgdi þeirri hugsjón eftir með því að skella ,,komugjöldum" á sjúklinga og stórhækka verð á lyfjum til þeirra sem gerðust svo ósvífnir að verða veikir eða missa jafnvel heilsuna. Fyrir mína parta hafna ég þessháttar ,,jafnaðarstjórn".

Risinn missti höfuðið

Athugasemdir

[Þórdís Bára Hannesdóttir, 13.5.2007 kl. 18:34]

Já en ekki dæma Samfylkinguna allt eftir Sighvati, hann er nú eins og hann er og er hættur, sem betur fer.  Ingibjörg Sólrún er maður dagsins og morgundagsins.

[Brynja Hjaltadóttir, 13.5.2007 kl. 23:30]

Það mættu hinir ýmsu risar missa höfuðið segi ég nú bara

[Svava frá Strandbergi , 15.5.2007 kl. 01:05]

Gera bara blóðuga byltingu.