Vilja hlálega fígúru en ekki forseta

Samkvæmt Smartlandi Mörtu Máríu stendur ekki til að kjósa Íslenska Lýðveldinu forseta heldur fígúru, og þá einhverskonar lukkudýr í ætt skrípafyrirbærin, sem fótboltafélögin á Englandi láta hoppa og skoppa um völlinn áður en leikur hefst og í leikhléi. Auðvitað er afstaða sem þessi rökrétt þegar andlegt og líkamlegt menningarástand hluta þjóðarinnar er haft til hliðsjónar.

Líklega er rétt, að upplýsa á þessum stað, að nú stendur yfir undirskiftasöfnun fyrir Kolbein Kolbeinsson vegna næstu forsetakosninga. Eins og flestir vita, þá er Kolbein grjótharður nagli, einlægari en allt sem einlægt er, einkum þegar hann er drukkinn, djúpvitur og heimsfrægur, drepfyndinn og klár, og ekki vantar hann leiftrandi húmor og heiðarleka og embættismannsslepjan bókstaflega lekur af honum. Enda gengur undirskriftarsöfnunin fjarska vel; allir vilja vera á skrá hjá næsta forseta lýðveldisins.

En það vilja fleiri verða forsetar en Kolbeinn Kolbeinsson og trúðsfígúrur Mörtu Máríu smörtu af Smartlandi. Til sögunnar hefir verið nefnd nafna Mörtu Máríu, sjálf Máría Borgargagn, sem og Óli Apaköttur, Vigdís Hauksdóttir og Óli Björn Kárason og Hallgrímur Helgason ekkiskáld.

Sjö heitustu forsetaframbjóðendurnir