Grímulaus hatursáróður og moldrok í logninu

Ungir jafningsmenn, þetta sérkennilega, yfirnáttúrlega lapþunna undanrennugutl, telja sig þess umkomna að kveða uppúr með hvort Bjöggi Gjé Sig sé hæfur eða óhæfur til þingsetu. Annað eins moldrok í logninu hefur ekki í háa herrans tíð sést á norðurhveli jarðar. Að börn með alvarleg krataeðlisheilkenni stundi grímulausan hatursáróður gegn fullorðnum jafningsmanni eru þvílík firn og býsn, að fágætt er í hinu rotna samfélagi þeirra sem haldnir eru fyrrgreindu krataeðli. Þetta er ekkert skárra en hjá samsvarandi undanrennuungum hjá VG.

Við eru öll sammála um, að Bjöggi Gjé Sig sé fullgóð, ef ekki ofgóð, þingmannsnefna fyrir annan eins afturúrsiglaraflokk og Samfylkingin er; þar er hvurt rassgatið öðru líkt og allir með skitu. En unglingavandamál hinna auðvirðilegu jafningssamtaka er svo yfirgengilegt, að Barnastofa verður líklegast að ganga í málið og koma krakkasvínunum fyrir á sjálfu Höfuðbólinu og gangast þar gegnum uppbyggjandi þvott undir handleiðslu prófessors Hannesar.

Auðvitað sárnar Bjögga litla Bjé Sig, að undanrennuhvolparnir í Samfylkingunni, stríðaldir á cocopuffs og sætabrauði, skuli hafa kosið að næla tönnum sínum í hælana á honum af öllum jafningsmönnum. Þó það nú væri. Hann mun eflaust hugsa þessum kykvendum þegjandi þörfina, launa þeim með rauðum belg fyrir gráan, og draga úr þeim andskotans eiturtönnurnar með naglbíti.

Þarf að vinna sér inn traust

Athugasemdir

[Jóhann Elíasson, 20.10.2015 kl. 10:43]

Þetta er alveg meiriháttar góð færsla hjá þér.

[Jóhannes Ragnarsson, 20.10.2015 kl. 22:14]

Takk fyrir, Jóhann.