Þetta áttu labbakútarnir og hengilmænurnar að vita

Þeim hefði verið andskotans nær að byrgja sig upp í tíma af sprautum sprautunálum, þá hefðu þeir sloppið við að skríða grenjandi í fjölmiðla útag vekfallinu. Þessir labbakútar og hengilmænur áttu sem best að vita, að verkfall var yfirvofandi, því það féll ekki af himnum ofan í hausinn á þeim eins og óútskýrður loftsteinn. Ég vona að slíkir afglapar, eins og innflytjendur og kaupendur á heilbrigðisvörum fyrir sjúkrahús og heilsugæslu, séu hvurgi til á öðrum sviðum samfélagsins. 

Gottfreð læknir Gottfreðsson, sem orðinn var sprautu og sprautunálalaus strax í gærmorgun, brá á það ráð að róta í hirslum afa síns heitins og fann þar forláta sprautu, stálslegna og glerjaða, og eina margnota nál, sem afinn hafði notað til að sprauta nautgripi og sauðfénað, en hann var á sinni tíð fgildur bóndi í sveit norðan heiða. Með þessu magnaða heilsubótartæki hefir Gottfreð Gottfreðsson sprautað linnulaust síðan á hádegi í gær og hafa sumir hálfdrepist af mögnuðum inngjöfum hins dugmikla læknis. Meðal annars dældi hann veigamiklum skammti af verkja- og bólgueyðandi í ástarleikjabrandinn á Kolbeini Kolbeinssyni svo við lá, að Kolbeinn færi beina leið til greftrunar uppí Gufuneskirkjugarði.

Það því ekki nema von, að lanlæknirinn, sem íhaldið fann á sorphaugi úti í Svíþjóð, hafi verið byjaður að orga eftir lögum á verkfall lægst launaða fólksins hjá ríkinu áður en það hófst. Og fyrirlitningargrettan á forstjóra Landspítalans, vegna ósvífni þeirra lægstlaunuðu, var orðin svo stíf á andlitinu á honum, að þar gekk á með krömpum og alskyns sinadráttum, uns Gottfreð læknir skarst í leikinn sprautaði hann í nefið með búfjásprautunni góðu.

Fá ekki sprautur vegna verkfalls