Jólasveinn eða jólaköttur. - Illgirni og öfundsýki

Hvurslags er þetta eiginlega? Hvernig dettur þessum fjárans saksóknaragemlingum að bendla annan eins mann og Þorstein Má við eihver ekkisens stórglæpamál og þann skít sem þeim fylgir ævinlega? Vita þessir menn ekki, að Þorsteinn Már er heilagur maður, sem klæðir sig í jólasveinabúning í byrjun demember á hverju ári og gefur Akureyringum og nærsveitamönnum rausnarlegar jólagjafir. Reyndar dregst andvirði jólagjafanna frá skatti, svo að segja má, að jólasveinninn sé að gefa á kostnað skattgreiðenda, en það er annað mál.

Svo er til illgjarnt fólk, öfundsjúkt og lygið, sem heldur því fram, að Þarsteinn Már sé andskotakornið neitt heilagur, hann sé ekki góður jólasveinn heldur sé hann jólakötturinn í jólasveinabúningi. En lýsingu á jólakettinum er hægt að lesa í samnefndu kvæði eftir Jóhannes úr Kötlum, sem var einn af hinum öfundsjúku illræðisskáldum fortíðarinnar.

Nei, góðir landar, það kann ekki góðri lukku að stýra fyrir eina þjóð, að bendla sína bestu syni við glæpamennsku og glæpamál með dylgjum og hálfkveðnum vísum og dæma jafnvel suma þeirra í margra ára fangelsi, svo sem ófögur dæmi sanna. Hvað á það annars að þýða, að læsa litlu húskarla gömlu Framsóknarmaddömunnar bak við lás og slá á Kvíabryggju? Er saksóknarklanið að skemmta sjálfum sér með svona tiltektum? Það er kominn tími til, að Kolbeinn Kolbeinsson skrifstofustjóri og framsóknarmaður, Sigmundur Davíð og Vigdís Hauksdóttir reiði öxina til höggs og sópi saksóknaraliðinu útí sorptunnu.

Þorsteinn Már með stöðu sakbornings

Athugasemdir

[Níels A. Ársælsson., 18.11.2015 kl. 18:16]

rétt af mbl, dags 15.11.2007.

Mikil viðskipti áttu sér stað með hlutabréf Glitnis og FL Group í gær. Fyrir opnun kauphallar OMX á Íslandi var í tvígang tilkynnt um tæplega 8,2 milljarða viðskipti í Glitni, á genginu 25,5 krónur á hlut.

Tæplega 4,2 milljarða króna viðskipti í FL Group, á genginu 22,05 krónur á hlut. 8,2 milljarða króna hlutur í Glitni á áðurnefndu gengi jafngildir um 2,15% af heildarhlutafé félagsins og 4,2 milljarða króna hlutur í FL á genginu 22,05 jafngildir um 2,05% hlut í félaginu.

Þetta má síðan margfalda með tveimur og þá er ljóst að samanlagt 4,3% hlutur í Glitni skipti um eigendur og samanlagt 4,1% hlutur í FL Group.

Engar tilkynningar um þessi viðskipti hafa borist í fréttakerfi kauphallar en samkvæmt heimildum Morgunblaðsins munu nýir hluthafar hafi verið að bætast í hluthafahópa félaganna, innlendir hluthafar.

Mun það vera sjóður á vegum Kaldbaks sem eru meðal þeirra sem komu að viðskiptunum með bréf Glitnis.

Kaldbakur er dótturfélag Samherja og er Þorsteinn Már Baldvinsson því að koma á ný inn í hluthafahóp bankans.

Ennfremur herma heimildir Morgunblaðsins að hann sé á meðal þeirra sem keyptu hlutinn í FL Group.

Þorsteinn Már vildi ekki staðfesta að hafa komið nálægt viðskiptunum þegar Morgunblaðið náði tali af honum í gær.

Tilvitnun lýkur.

Frétt af nilli.blog.is, dags 04.04.2008.

Samherji hf, er væntanlega búinn að tapa tvöfalt meira en öllu eiginfé á hlutabréfaeign sinni í gegnum eignarhaldsfélagið Stím ehf. 

Eigið fé Samherja hf, í árslok 2006 nam 9,2 milljörðum.
Tap á hlutabréfum í FL og Glitni + gengistap er 21 miljarðar.

Sagt er að staða Samherja hf, sé mjög viðkvæm innan Glitnis og reyna stjórnendur að þagga málið niður með öllum tiltækum ráðum.

· Kaup í Glitnir, 16,4 miljarðar á genginu, 25,5.

· FL kaup 8,4 miljarðar á genginu, 22,05.

· Erlent lán 24,8 miljarðar.

[Níels A. Ársælsson., 18.11.2015 kl. 18:20]

Þannig að leiða má líkum að því að allir sakborningarnir og vitnin í Stímmálinu fyrir utan snillinginn sjálfan frá Samherja hf, hafa verið keyptir til að þegja öll þessi ár sem liðin eru frá bankahruninu. 

Liggur það ekki í augum uppi ?