70 milljonir fyrir ráðgjöf í kynferðismálum og klámtengdum órum

Það vekur athygli, að í svörum ráðherra kemur hvergi fram hlutdeild Kolbeins Kolbeinssonar skrifstofustjóra og svo framvegis hvað varðar umfang ráðgjafastarfa hans. Sannleikurinn er sá, að Kolbeinn Kolbeinsson fékk rúmlega  70 milljonir frá ríkinu á árinu 2014 fyrir ráðgjöf. Vart þarf að efast um að ráð Kolbeins hafi ekki komið að góðum notum á einn eða annan praktískan hátt, þar eð hann afar sérfróður á sínu svið og ráðagóður með afbrigðum. Andstæðingar Kolbeins og ríkisstjórnarinnar munu eflaust hneykslast eins og gamlar guðhræddar konur og míga í buxurnar og pilsin af heilagri vandlætingu, þegar hið sanna kemur í ljós, og öskra og veina sem aldrei fyrr: Spilling! spilling!

Ekki mun hræsnin og vandlætingaráráttan minka í raskatinu á andstæðingunum, þegar þeir komast að því að framlag Kolbeins Kolbeinssonar í ráðum til ríkisins var að mestu leyti fólgin í kynlífsráðgjöf og kynningu það að lútandi. En hvað ríkið gerði við umrædda ráðgjöf er öllum utanaðkomandi hulið og þannig verður það væntanlega áfram frá eilífð til eilífðar, því fyrr munu dauðir upp rísa úr gröfum sínum en að upp komist um þá sem notuðu ráðgjöf Kolbeins sér til sérstakrar ánægju og yndisauka.

En allt um það, Kolbeinn Kolbeinn fékk sínar 70 milljonir úr vasa skattgreiðenda og ráðstafaði þeim á svívirðilegan hátt í eigin subbuskap og óhóf. Eftir situr spurningin: Var réttlætanlegt að færa 70 milljonir úr vösum fátækra erfiðismanna yfir í vasa framsóknarmanns á borð við Kolbein Kolbeinsson fyrir að segja ríkismönnum til í klámi og óeðli? 

Hundruð milljóna í ráðgjafarstörf