Og þar var nú ekki töluð vitleysan

Auðvitað gat frú Ólöf ekki snert við málinu einfaldlega af því að hún kærði sig ekki um það; henni varðar, skú fanen gale mig, ekkert um albanskan lágstéttarlýð, sem auk þess að vera öreigar eru vísir með að blóta Allah og Múhámeð spámann hans úr Arabíu. Svo ber nýrra við, ef stjónmálamenn eru orðnir slíkar liðleskjur og lufsur að þeir geti ekki kippt í viðeigandi spotta á bak við tjöldin til að snúa niður ruglaða og illgjarna kerfiskalla og kjéllingar sem hafa í hyggju að fremja sammarleg óþokkabrögð; að minnsta kosti ætti stjórnmálafólki að vera létt verk og lítið, að taka í hnakkadrambið á slíkum endemum, þegar sjálfur sómi lands og þjóðar er í hættu.

Nei frú Nordal var nokk sama þótt Útlendingastofnun sigaði heilli herdeild af lögregluþjónum á fátækt fólk með veik börn og ræki þau eins og sauðfé til slátrunnar útí rútu í skjóli nætur til og keyra þeim útá flugvöll. Á sama tíma og fólkið frá Albaníu var rekið úr landi, sat frú Norðdal veislu að frú Ingveldar og Kolbeins, og þar var nú ekki töluð vitleysan. Frú Ingveldur og Kolbeinn, slík sæmdarhjón sem þau eru, eru aungvir veifiskatar þegar vond trúarbrögð og lágstéttarútlendingar eru annars vegar. ,,Burt úr landinu með þetta helvítis drasl" eru kjörorð sæmdarhjónanna þegar flóttamenn og múhámeðstrúarmenn ber á góma.

Einhverju sinni buðu frú Ingveldur og Kolbeinn múhámeðstrúarmanni heim til sín í þeim tilgangi að troða illsakir við hann. Fljótlega eftir að boðsgestur þeirra hafði fengið sér sæti í stofunni rifu sæmdarhjónin hann upp og slógu honum svo hraustlega við stofuofninn að á hann rann þungt öngvit. Þar á eftir tættu þau fötin utan af manninum, helltu yfir hann sírópi, tabasco, sósulit, auk innihalds úr kúffullum öskubakka. Þar næst hringdi frú Ingveldur í útlendingaeftirlitið og lögregluna. Og þegar lögreglan hafði komið hinum steinrotaða múhámeðstrúarstegg fyrir á börum til að bera hann úr húsi, tíndu sæmdarhjónin fatatætlurnar, sem þau spændu utan af manngarminum að fölskvalausri heift, upp af gólfinu og hentu þeim með aungri virðingu ofan á hann og ráðlögðu lögreglumönnunum að kasta dýrinu í ræsið.

Getur ekki snert við málinu