Klígjulegt hækjulíferni í handarkrika auðvaldsins

Það er með öllu óskiljanlegt hvaða erindi Árni Páll Árnason telur sig eiga í pólitík. Manngarmurinn er svo hægrisinnaður, að hann gæti sem best átt heima í hægrisinnuðust örmum Sjálfstæðisflokksins og Framsóknar með kyndugu fólki eins og Bjarna Ben, Sigmundi Dávíð, Vigdísi Hauks, Guðlaugi a. Þórðarsyni, Kolbeini Kolbeinssyni og frú Ingveldi. Hinsvegar má Árni Páll eiga það, að hann er fleytifullur af krataeðli, eins og það er nú geðslegt, og birtist meðal annars í því hann er forhertur markaðshyggjudólgur og glerhörð undilægja auðvalds og afturhalds.

Samfylkingin hefir frá upphafi, líkt og forveri hennar Alþýðuflokkurinn, verið gjörsamlega ónothæfur stjórnmálaflokkur og skiptir þá aungvu hvort hann hefur verið með rúmlega 30% kjörfylgi eða 10%. Innantómur fíflagangur, drýldni og vanburða derringur, ásamt með klígjulegu hækjulíferni í handarkrika auðvaldsins, hafa verið ær og kýr þessara ónytjunga, sem í þokkabót, til að kóróna fáránleikan og ósvífnina, heimta þessir að þeir séu kallaðir jafnaðarmenn, þ.e. sósíalistar!

- Krataeðlisflokkarnir eru ágætir í sjálfu sér, sagði frú Ingveldur nýverið í jólahugvekju í kirkju Sjálfstæðis- og Framsóknarmanna, Valhöll við Lágmúla. -Til dæmis er gott fyrir öfundsjúkt fólk í uppreisn, sem veit ekki í hverju það er í uppreisn gegn, að henda atkvæðunum sínum á fyrirbæri eins og Samfylkinguna, Bjarta framtíð Guðmundar, VG Steingríms og Álfheiðar og Pírata Birgittu, því að þá eru þessir kjósendur að minnsta kosti að greiða okkur í Sjálfstæðis- og Framsóknarflokknum atkvæði sitt að hálfu.

Skylda að reyna ríkisstjórnarmyndun