Útilokaður frá menningarlegum samskiptum

Það skiptir að sjálfsögðu aungvu andskotans máli hvað einhverjir Gylfar og Gvendar hreyta útúr sér í garð vel gerðra verkakvenna eins og frú Rist og frú Lýsis. Þessir labbakútar eru minna marktækir en lögregluþjónarnir Geir og Grani og þar með útí hött að elta ólar við garg þeirra og óráðsbull. Og ummæli þess efnis að þær stöllur í verkakvennamennskunni séu slakasta löndunargengi í Evrópu eru svo fráleit að aungvu tali tekur, en jafnframt þess eðlis að einsýnt er fyrrnefndar heiðursverkakonur láti kanna hvort munnsöfnur af þessu tagi standist meinyrðalöggjöfina.

Á þessari stundu er að hefjast gestamóttaka að heimili frú Ingveldar og Kolbeins Kolbeinssonar hverjir heiðursgetir verða þær frú Rist og frú Lýsis. Má búast við miklum og ósviknum glaumi í helgarveislu þeirra sæmdarhjóna og látið vaða á súðum. Veitingar verða ekki af skornum skammti, allrasíst rennandi veitingar og afréttingar í fyrramálið með höfðingslegasta móti.

Það eina sem kann að skyggja á veislugleðina, fyrir utan vemmilega tilvist Gylfa, Gvendar, Geirs og Grana, er að Máría Borgargagn er er draghölt þessa daganna eftir ómannúðleg rekkjubrögð Indriða Handreðs við hana. Viðbúið er að Handreðurinn verði látinn gjalda fautaskapar síns í veislunni og hann útilokaður frá öllum menningarlegum samskiptum við heiðursgestina frú Rist og frú Lýsis. 

„Slakasta löndunargengi í Evrópu“

Athugasemdir

[Anna Sigríður Guðmundsdóttir, 4.3.2016 kl. 19:37]

Páfamafíunni lögmannaverjandi þykir það "verðskuldaður" sigur, að plata/kúga konur til að kollvarpa öllum fyrri barátturéttindum kvenna, fátækra, sjúkra, gamalla og kerfissvikinna einstaklinga?

Skelfilegt að horfa uppá hvernig konur og verkalýðsforystufólk er blekkt og notað til að brjóta niður alla réttindabaráttuna!

Við hvað starfar mótmælandinn Álfheiður Ingadóttir, drottnandi drottning Vinstri Grænna, þessa fjölmiðladaga Katrínar miklu á Íslandi?

M.b.kv.